萬發食館 (Closed)

香港有四間萬發，我唔肯定佢地有無關係，我只係知道四間味道都不錯。今次幫襯發萬食館，係旺角白布街既發萬。最近都更新過，所以upload menu比大家參考下。點左芝士琵琶豆腐、激辣避風塘水魷同肉絲炒麵。芝士琵琶豆腐，芝士味淡只係芝士粉味，都無芝士既質感，好流質無張力，琵琶豆腐食落好似無加魚肉禁，咬落淋滋滋，毫無質感可言，質感似攪碎既豆腐拎去炸返球形再加上個芝士色既汁同芝士粉，建議大家唔好點。激辣避風塘水魷，辣得好味惹味，水魷爽口，配埋米粉，吸曬d汁正，食到覺得米粉唔夠多想打包個汁。肉絲炒麵都係大路水準，無投訴，無驚喜。旺角比較少依類型餐廳，可能係禁所以價格偏高，如不介意，到深水埗、油麻地或佐敦選擇更多。