Video
Read full review
2023-01-18
1259 views
📌 Amplifier Restaurant (花園街) - 旺角花園街3-5號鴻威大廈1樓B號舖🗓(18/1) 星期三 ⏰ 晚上7點左右 🌐網址: https://s.openrice.com/QrbS0K6C900~ueeoDBA💈特式：呢間餐廳有旺角同大圍兩間店，旺角店逢星期四五六晚上7:30~9:30會有Live Band表演，係香港有Live Band唱歌嘅西餐廳真係買少見少，好有外國feel。🥩🍔🌭🌮🥗🥯🥘🍲🍝🍣🥟🍤🍱食物：見佢d食物都幾吸引，例如有慢煮威靈頓牛柳/Pasta/Risotto/每日精選生蠔等等，我今日就叫左1個前菜/1個main course/1個Risotto，等我同大家講下🕺🏻💃味道先。東歐酥皮芝士焗牛脷 - 呢個前菜我真心推介，要做得咁好食都幾考功夫，佢個酥皮做得好薄好酥脆，牛油味好香，點埋佢入面d香濃芝士汁，已經好無得頂，加埋佢個主角牛脷，做得好淋滑，沾滿芝士香，加埋佢有濃濃嘅牛臊味，每一part都令我好滿足，我比滿分。秘製醬燒豬肋骨 - 個燒豬肋骨都好大份，個秘製醬係類似BBQ味再多少少辣嘅層次，火喉亦處理得宜，燒得剛剛好，肉質軟淋得嚟又保留
🗓(18/1) 星期三 ⏰ 晚上7點左右
🌐網址: https://s.openrice.com/QrbS0K6C900~ueeoDBA
💈特式：呢間餐廳有旺角同大圍兩間店，旺角店逢星期四五六晚上7:30~9:30會有Live Band表演，係香港有Live Band唱歌嘅西餐廳真係買少見少，好有外國feel。
🥩🍔🌭🌮🥗🥯🥘🍲🍝🍣🥟🍤🍱
食物：見佢d食物都幾吸引，例如有慢煮威靈頓牛柳/Pasta/Risotto/每日精選生蠔等等，我今日就叫左1個前菜/1個main course/1個Risotto，等我同大家講下🕺🏻💃味道先。
東歐酥皮芝士焗牛脷 - 呢個前菜我真心推介，要做得咁好食都幾考功夫，佢個酥皮做得好薄好酥脆，牛油味好香，點埋佢入面d香濃芝士汁，已經好無得頂，加埋佢個主角牛脷，做得好淋滑，沾滿芝士香，加埋佢有濃濃嘅牛臊味，每一part都令我好滿足，我比滿分。
秘製醬燒豬肋骨 - 個燒豬肋骨都好大份，個秘製醬係類似BBQ味再多少少辣嘅層次，火喉亦處理得宜，燒得剛剛好，肉質軟淋得嚟又保留到肉汁，肉亦好易切出，唔會食得好麻煩，薯條量都多，即炸熱辣辣，而且有灑上調味粉，食嚟香口又唔油膩。
燒西班牙脆皮乳豬南瓜意大利飯 - 西班牙燒乳豬同意大利飯呢個組合都唔少見，呢間餐廳亦將呢個組合發揮得淋漓盡致，個乳豬真係做到脆皮又唔油，肉質嫩滑，意大利飯加左南瓜減輕左油膩感覺，整體令人滿意。
☕️🍵🥤🧋🍺🍷🥃🍹🧉🍾🍶🥛
飲品 : 見佢地有好多Cocktail， Mocktail同Wine嘅選擇，大多數都好吸引，不過今日同行友人唔好酒精類飲品，所以我下次先同其他朋友嚟試。
🍽環境：餐廳環境除左Live Band之外，裝修佈置都好多外國西餐廳feel，室內牆柱用上紅磚做飾面，掛上不少同音樂有關嘅擺設或紅酒，有少少美國波士頓嘅餐廳風格。
🤵🏻🤵🏻♀️🤵🏻♂️服務：員工服務態度好，好用心推介每款餐廳特色食物同仔細介紹餐廳menu，見到我杯水水量少左，亦都會好快咁幫我refill，上菜時見我有影相，亦都會就返我影相角度上菜，好細心。
💰💸價錢：今埋單唔洗$600，有咁出色嘅食物質素，餐廳環境/氣氛又好，服務優質，仲有Live Band提供，價錢都好合理，唔算貴。
🐲💬總結：今日個用餐環境令我相當滿意，食物質素亦好高，如果我下之嚟應該會預啱佢有Live Band表演，應該會仲有氣氛，同埋入次會想試埋佢地d招牌菜同生蠔。
推薦指數：❤️❤️❤️❤️❤️
東歐酥皮芝士焗牛脷
$128
32 views
0 likes
0 comments
東歐酥皮芝士焗牛脷
$128
23 views
0 likes
0 comments
秘製醬燒豬肋骨
$208
21 views
0 likes
0 comments
燒西班牙脆皮乳豬南瓜意大利飯
$248
19 views
0 likes
0 comments
Post
