泰角海南雞 (Closed)

🍔最鐘意係女人街隔離個條小巷覓食，皆因經常有唔少新嘅餐廳，而且大多數都係小店，價錢都幾相宜😋 依一間都係依到新開嘅泰菜，菜式都算多，出名嘅泰菜基本上都有，而且價錢仲幾親民！-泰式海南雞飯($48) 仲送一碗例湯，食到佢有放芫荽，雞殻同白胡椒。但略嫌放得太多白胡椒，飲落過於濃味同搶喉🤭 海南雞份量唔少，雞胸唔會話鞋口，雞脾位好嫩滑，雞皮都爽口，係雞味少左啲🐓 泰式船麵($50) 麵底係金邊粉，幾滑身。配料有牛丸同肥牛。雖然未聽過船麵會放肥牛😂，有啲港式風味都唔差。湯底幾夠味，但就偏鹹同油左啲，但勝在份量好足夠😙炸蝦餅($30) 有三件，非常脆口，蝦肉爽彈，好惹味，配埋象啤就💯！