Video
Read full review
2018-07-02
279 views
餐廳食物選擇都幾多, 石板燒, 鐵板餐, 焗飯, 沙律, 飯, 意粉, 小食, 雪葩, 特飲等等, 總有一樣岩心水!我同老公都被石板燒套餐吸引! 同老公一人叫左一個! 熊本一口牛 $168每個餐都會配兩隻日本廣島蠔, 仲有餐湯, 蒜蓉包同飲品! 仲送埋餐廳自家製鹹蛋黃炸魚皮! 好抵食呀!酥皮羅宋湯 (跟餐加$12)個酥皮外脆內軟, 而且有香濃牛油味, 加埋羅宋湯一齊食, 都好好味! 酥皮羅宋湯真係超讚! 推介大家轉酥皮!蒜蓉包有滿滿牛油同蒜蓉, 而且有輕輕烘過, 暖暖脆脆的, 有誠意!當享用完酥皮羅宋湯同蒜蓉包後, 石板燒就上枱啦! 熱辣辣石板燒上已有什菇, 西蘭花同粟米! 炸炸聲, 香噴噴, 令人好期待同興奮!燒蠔最好就係石板邊位燒, 兩邊輕輕燒一燒, 燒熟後再加入熟蒜同埋特式醬汁一齊食, 好鮮味! 蠔真係非常新鮮, 而且好大隻, 又好CREAMY, 正呀!一口牛, 肉色鮮紅, 肉質嫩, 肉味鮮! 牛肉味香濃又夠淋, 而且非常JUICY! 個人喜歡加少少鹽一齊燒, 更能夠突出一口牛本身既原味! 當然都可以燒熟後, 配特式醬汁或者點鹽一齊食都得! 真係好好味! 十分推介!西班牙穀飼黑毛
我同老公都被石板燒套餐吸引! 同老公一人叫左一個!
熊本一口牛 $168
每個餐都會配兩隻日本廣島蠔, 仲有餐湯, 蒜蓉包同飲品! 仲送埋餐廳自家製鹹蛋黃炸魚皮! 好抵食呀!
酥皮羅宋湯 (跟餐加$12)
個酥皮外脆內軟, 而且有香濃牛油味, 加埋羅宋湯一齊食, 都好好味! 酥皮羅宋湯真係超讚! 推介大家轉酥皮!
蒜蓉包有滿滿牛油同蒜蓉, 而且有輕輕烘過, 暖暖脆脆的, 有誠意!
當享用完酥皮羅宋湯同蒜蓉包後, 石板燒就上枱啦! 熱辣辣石板燒上已有什菇, 西蘭花同粟米! 炸炸聲, 香噴噴, 令人好期待同興奮!
燒蠔最好就係石板邊位燒, 兩邊輕輕燒一燒, 燒熟後再加入熟蒜同埋特式醬汁一齊食, 好鮮味! 蠔真係非常新鮮, 而且好大隻, 又好CREAMY, 正呀!
一口牛, 肉色鮮紅, 肉質嫩, 肉味鮮! 牛肉味香濃又夠淋, 而且非常JUICY! 個人喜歡加少少鹽一齊燒, 更能夠突出一口牛本身既原味! 當然都可以燒熟後, 配特式醬汁或者點鹽一齊食都得! 真係好好味! 十分推介!
西班牙穀飼黑毛豬 $148
黑毛豬大大塊, 肉色鮮紅, 脂肪分佈平均! 黑毛豬同樣肉質嫩, 肉味鮮! 個人喜歡加少少鹽同少少蔥一齊燒黑毛豬, 更能夠突出黑毛豬本身既原味! 好滋味! 同樣推介!
侍應同我地講, 鹹蛋黃炸魚皮除了可以當小食, 原來可以用黑毛豬捲住食都得, 兩種食法大家都可以試下呀! 好特別又有創意!
Benediktiner 德國啤酒 (跟餐加$24)
德國啤酒帶有濃厚果味同花香味, 容易入口, 食住燒肉飲啤酒, 真係一流!
雪糕紅豆冰 (跟餐加$11)
紅豆軟淋, 而且份量有好多, 再加埋雪糕, 好味!
芒果雪葩 (跟餐加$32)
蘋果雪葩 (跟餐加$32)
餐廳好細心, 食之前要先用火槍暖下雪葩, 令雪葩表面溶化少少, 咁就更加容易食到鮮果味!
芒果同蘋果味都突出, 好清甜, 完全係將芒果同蘋果濃縮喺雪葩入面! 而且雪葩既質地好細滑, 完全食唔到有冰塊, 好正呀! 十個推介! 絕對唔可以錯過呀! 下次想試蜜桃雪葩!
水蜜桃冰室整體落單到送食物速度都好快, 食物高質又好味, 價錢合理! CP值高! 好驚喜!
仲有好多其他菜式想試, 下次會再黎食飯! 十分推介水蜜桃冰室!
Post
