Joyful Dessert House

Open Now

Now Closed

之前都食過呢度的芭菲杯，層層口感，味道豐富，今次黎食熱野，心太軟同拿破崙，味道一樣令人滿意。芒果拿破崙賣相好靚，砌到咁高都無問題，芒果顏色美，拿破崙3層好吸引。拿破崙好輕盈好脆身，切開見到多層脆皮，入口輕脆，配搭細滑吉士忌廉，及完熟香甜芒果肉，多汁又厚身的芒果粒，非常誘人，加上芒果雪糕，味道更濃更多入涼快口感。抹茶心太軟賣相都唔錯，但可以更好，心太軟焗得可以再靚d，紅豆份量再多點會更好。抹茶味道濃郁甘香，茶甘唔會好甜，流心效果也好，切開慢慢流出抹茶醬，配埋紅豆粒，多入甜思思味道，加上抹茶雪糕，一冷一熱，感覺更正。