小念頭 (通菜街) (Moved) New Location

早排黎過一次呢間位於旺角既樓上cafe，今次咁啱想搵個地方同朋友坐下傾下計，於是又黎返呢到。我哋叫左俄羅斯蜂蜜蛋糕、蘋果不見了、伯爵波波冰奶茶、同埋鳳梨香茅汽泡水。俄羅斯蜂蜜蛋糕︰蜂蜜味香濃，一食落口就食得出蜂蜜既甜味，口感好有層次，食得出好多層既蛋糕同cream，而且cream好滑。蜂蜜味突出得黎又唔會太甜，非常推介！伯爵波波冰奶茶︰佢會比一杯熱奶你自己去加落去，倒左落去之後d波波會慢慢融，茶味會隨住d波波融而變得更濃，新奇有趣，而且幾好飲。鳳梨香茅汽泡水︰有幾舊菠蘿喺底，然後有一兩舊既香茅浮喺上面，賣相好有趣，飲落幾有菠蘿味，相對黎講我比較鍾意伯爵波波冰奶茶。蘋果不見了︰店員一將佢放上枱就聞到伯爵茶既香味，咬落會食得出一片片既蘋果，加埋伯爵茶醬令到蛋糕唔會好乾身，蛋糕上面仲有杏仁粒，令口感更豐富。總括黎講呢間係一間甜品控必去既樓上cafe，兩次去佢都有唔同既蛋糕，總會搵到一款啱你既，而且蛋糕好高質好好食，舖頭環境都好舒適，好啱同朋友黎坐低食件cake傾下計，享受一個悠閒既晏畫。店員都好nice好有禮貌，會介紹返唔同既蛋糕同埋野飲。