Video
Read full review
2021-11-25
95 views
收工同同事去chill一chill，同事介紹令和居酒屋自家釀製梅酒好正同埋食物款式多，CP值又高，所以我哋就去試吓~餐廳環境好有日本嘅感覺，電視都係播緊日本台㗎！老闆超熱情❤️認真介紹每一個菜式～日式鷄丸子拼盤$85（follow IG特價)呢一個拼盤係新出嘅菜式，有四款唔同嘅雞丸子，其中包括燒雞肉丸子/燒紫蘇雞肉丸子/炸流心芝士雞肉丸子/炸雞胸軟骨丸子，每一款都各具特色，個人就最鍾意流心芝士雞肉丸子，一咬落去會爆芝士漿，好邪惡啊！清酒廣島生蠔🦪$28/隻廣島生蠔超級大隻，咁嘅價錢真係佛心價！每隻生蠔配搭一杯清酒，食法係將蠔肉原隻擺落杯清酒入邊，然後成杯飲咗佢，原來清酒係可以令到隻生蠔超級鮮甜嘅，一定要試！北海道唐揚炸魷魚軟骨$38又係一款必食之選，三十幾蚊但係份量都幾多，好香脆，而且採用嘅部位係魷魚軟骨，口感有少少似雞軟骨但係就係魷魚嚟嘅，點埋沙律醬食更加正！西京燒銀鱈魚$118係我嘅至愛❤️居酒屋必食之選，銀鱈魚超滑溜，個面煎到好香，點埋沙律醬真係一啖一美味！味噌廣島蠔鍋$88強烈推薦‼️昆布味噌湯入面有勁多隻廣島蠔，湯頭超級鮮甜！原來仲有隱藏食法，就係叫一個白飯做湯飯或者加個稻庭烏冬，
餐廳環境好有日本嘅感覺，電視都係播緊日本台㗎！老闆超熱情❤️認真介紹每一個菜式～
日式鷄丸子拼盤$85（follow IG特價)
呢一個拼盤係新出嘅菜式，有四款唔同嘅雞丸子，其中包括燒雞肉丸子/燒紫蘇雞肉丸子/炸流心芝士雞肉丸子/炸雞胸軟骨丸子，每一款都各具特色，個人就最鍾意流心芝士雞肉丸子，一咬落去會爆芝士漿，好邪惡啊！
清酒廣島生蠔🦪$28/隻
廣島生蠔超級大隻，咁嘅價錢真係佛心價！每隻生蠔配搭一杯清酒，食法係將蠔肉原隻擺落杯清酒入邊，然後成杯飲咗佢，原來清酒係可以令到隻生蠔超級鮮甜嘅，一定要試！
北海道唐揚炸魷魚軟骨$38
又係一款必食之選，三十幾蚊但係份量都幾多，好香脆，而且採用嘅部位係魷魚軟骨，口感有少少似雞軟骨但係就係魷魚嚟嘅，點埋沙律醬食更加正！
西京燒銀鱈魚$118
係我嘅至愛❤️居酒屋必食之選，銀鱈魚超滑溜，個面煎到好香，點埋沙律醬真係一啖一美味！
味噌廣島蠔鍋$88
強烈推薦‼️昆布味噌湯入面有勁多隻廣島蠔，湯頭超級鮮甜！原來仲有隱藏食法，就係叫一個白飯做湯飯或者加個稻庭烏冬，咁就可以吸晒啲湯嘅精華✨
酒盜芝士$48
見到個名完全唔知係咩嚟嘅，原來酒盜係一款魚嘅內臟，鹹香十足，配搭芝士粒，餸酒一流，完全又係一試愛上。
令和玉子燒$38
厚切玉子燒，味道比較甜，配搭蘿蔔茸都幾特別。
串燒拼盤$138
款式好多，有手羽、鷄皮串、雞軟骨串、大葱豚肉串、金菇牛肉串、秋葵、煙肉車厘茄、大葱串，每款各有特色好惹味！
四色刺身盤$126
有三文魚（3片）、吞拿魚（3片）、赤蝦（2件)、油甘魚（3片），都幾新鮮！
仲有不得不提嘅就係自家釀製嘅梅酒真係好正，連冰塊都係一舊大大嚿圓形㗎，好特別！
整體來講，呢間居酒屋嘅食物真係好有質素，而且性價比高，下次嚟我要試吓壽喜燒先！見到隔離枱食超香呀！
Post
