Video
Read full review
2023-03-28
437 views
好多時平價既韓國野都會好劣食或者或者份量好少食唔飽；呢間係女人街既韓國野我間唔中都會去，佢呢度既豆腐鍋係次次去到都必叫，lunch仲幾抵食！🐷泡菜餃子烤肉豆腐鍋 $60 (配飯)一上檯熱辣辣標晒煙，入邊有豆腐，烤肉，魚片，泡菜，蛋，粉絲同埋餃子，泡菜令到湯底有少少辣，好開胃；餃子三隻大大隻，餃子涵料係豬肉,泡菜同粉絲，脹卜卜料都好多；豆腐好滑，粉絲好索湯撈埋飯好好食；食到最尾都仲係熱辣辣。👍🏻🐷極上牛肋骨鍋 $79 (配韓國烏冬 +$5)呢個鍋同餃子鍋既配料大致相同，餃子換做牛肋骨，另外因為揀烏冬既關係就配菜唔會有粉絲；牛肋骨有三舊係分開上，甜甜地而且好嫩滑；韓國烏冬係煙韌彈牙，唔會話浸住湯就淋晒。👍🏻呢個價錢lunch係會包埋餐湯同餐飲，性價比之選！
🐷泡菜餃子烤肉豆腐鍋 $60 (配飯)
一上檯熱辣辣標晒煙，入邊有豆腐，烤肉，魚片，泡菜，蛋，粉絲同埋餃子，泡菜令到湯底有少少辣，好開胃；餃子三隻大大隻，餃子涵料係豬肉,泡菜同粉絲，脹卜卜料都好多；豆腐好滑，粉絲好索湯撈埋飯好好食；食到最尾都仲係熱辣辣。👍🏻
🐷極上牛肋骨鍋 $79 (配韓國烏冬 +$5)
呢個鍋同餃子鍋既配料大致相同，餃子換做牛肋骨，另外因為揀烏冬既關係就配菜唔會有粉絲；牛肋骨有三舊係分開上，甜甜地而且好嫩滑；韓國烏冬係煙韌彈牙，唔會話浸住湯就淋晒。👍🏻
呢個價錢lunch係會包埋餐湯同餐飲，性價比之選！
Post
