汀汀烤活魚 (Closed)

好耐沒食雞煲，今次到旺角黎試試汀汀烤活魚。哩間晚市都好FULL，唔想等最好BOOK定位。FD好鐘意食辣，今次叫咗中辣嘅全隻沙白雞煲（香辣味）。配料揀咗水魷魚鬚，鮮鵝腸同黑柏葉。小食喺炸黃豆，炸黃豆炸得好香口，唔會覺得好油，哩個送酒真喺一流，一粒接一粒食到完全停唔落口。等咗差唔多20分鐘，雞煲上咗來，真係超大一鍋喎。雞件煮到十分惹味又夠嫩滑，而且雞肉嗦哂醬汁夠哂chill，好味。醬汁醬香味好濃，不過喺偏甜少少嘅，同沙白一起煮後帶有海鮮啲鮮甜味，正! 沙白質素都唔錯，都比咗好多，非常鮮甜，而且沒有食到沙，好快食嗮。食完雞煲可以加高湯打邊爐，水魷魚鬚新鮮爽口，又脆又彈牙，份量都算多，食極都食唔哂。鮮鵝腸處理得好乾淨，燙咗幾秒已經食得，好爽脆，一啲都唔油膩，都唔會腥味，唔錯。黑柏葉都切得幾薄身，水滾已經可以食得，食落好脆口，同埋唔會好硬，嗦哂醬汁，超好味。雖然叫咗中辣，但喺唔算好辣，下次都可以試試大辣。同埋周圍台都食更烤魚，睇落都好惹味，仲有好多新鮮食材沒試，唯有留返下次啦。