GRIND SIZE

Open Now

Now Closed

抹茶菠蘿 依個配搭幾有趣，冇諗到都幾搭，抹茶嘅苦澀配埋菠蘿嘅清新，一啖苦一啖清甜。蟹肉明太子流心西班牙蛋餅蛋餅切開係流心，蛋汁湧哂出嚟，明太子同蟹肉都略少，唔太食到明太子同蟹肉味。牛油蒜香・龍蝦多士個人認為龍蝦多士上枱係有驚喜，估唔到有薯條同沙律菜。龍蝦份量算多，但個多士就俾龍蝦浸到濕哂，冇哂口感，但都食到有啲杏脯粒，如果分開擺會好啲。牛油蝦汁 海鮮意大利飯3樣嘢食依樣算係最平均，海鮮份量都足夠，3個人分都有得食，意大利飯嘅口感都保持到微硬。Overall, 嘢食打卡ok，平日嚟食嘢都幾舒服，店員服務態度一般，唔開口講嘢，就咁收碟就算。