牛丼家

Open Now

Now Closed

門口開在街的當眼位，鄰近旺角Top商場，店面上面係酒店，位置都幾方便易搵。門口好搶眼，店面分2層，搭𨋢可上2樓。1樓食牛丼飯，2樓食火鍋嘅。我同友人先去收銀台前落單，叫咗一個牛魔王飯+炸雞套餐，飲冰紅茶。另一個係雙重芝士牛魔王飯，都係飲冰紅茶。先取飯餐然後上2樓用餐。在2樓拎埋個壽喜燒鍋配牛肉加烏冬。個鍋本身已有菜，粟米及豆腐。可以加錢加配任何食物和菜。加多份牛肉都只係$20，我同友人總共加咗2份，即刻總共有3份牛食喇。招牌牛魔王飯用珍珠米，有口感。牛肉扒煎香過，睇落都幾厚身，咬入口有汁幾juicy，幾香口，幾好食😋。價錢都幾抵食。丼飯份量有分大中小，可以隨意選擇。而雙重芝士牛魔王飯就係多咗啲芝士喺塊牛上面，但係略嫌芝士唔夠多，同埋我以為係溶哂落塊牛同飯上面嗰種，呢度有少少失望。不過唔影響塊牛肉扒嘅好味程度。牛肉壽喜燒鍋，簡簡單單抵食之選。牛肉味道都可以。2樓用餐坐得相對舒服啲。喺旺角如果冇頭緒食咩，呢個抵食之選可以試吓嘅。