辛手村 (Closed)

川菜就食得多 酸菜魚呀水煮魚干鍋啊等等，不過依間位於旺角行文青風既新派川菜店 真係比到驚喜😝呢間餐廳有好特別嘅黑松露干鍋… 專登過黎試！干鍋配料，我哋揀咗萵筍、土豆條、魚蛋、蓮藕片，腩片…加上大量嘅蔥花同埋蒜蓉 仲有黑松露。可能因為想要突出黑松露嘅味道調味唔會太過重，同一般嘅乾鍋比較佢算係淡味啲 但相對感覺比較健康。每一款餸都有佢應有嘅口感，萵筍同埋蓮藕都係脆身，魚蛋彈牙，土豆條係炸過嘅特別惹味👍🏻另外呢度嘅串燒都好好食，我哋要咗豬頸肉、雞軟骨捧、翠玉瓜同埋秋葵。佢嘅調味好恰當，好有四川風味💯😋😋另外飲品要咗荔枝冰茶同埋🍇巨峰梳打，飲品唔會過甜 有水果味道。食完之後重有兩碗柚子冰粉，潤下個喉嚨，超滿足既一餐👍🏻雖然佢係食川菜，但係仲有酒類飲品提供，夜晚九點之後更加會化身酒吧 可以飲杯嘢傾吓計🥂氣氛都唔錯㗎。