啊一檸檬茶 (豉油街)

Open Now

Now Closed

香港嘅夏天咁熱，行過旺角熱到頂唔順，搵咗一間叫「啊一檸檬茶」嘅手搖飲品舖試吓近年大熱嘅手打檸檬茶。我哋嗌咗期間限定嘅番石榴蜜桃檸檬茶同埋招牌嘅手打香水檸檬茶，番石榴打碎咗之後仍然保持果肉嘅顆粒感同果籽嘅咬口，混合咗蜜桃嘅甜同檸檬嘅酸，成杯飲品非常清新，消暑又解渴；香水檸檬茶嘅茶底濃郁，雖然冇原片檸檬俾我哋拮，但係仍然飲到好香嘅檸檬味，解渴一流。而家舖頭做緊推廣，買一杯飲品就會送一隻啊一檸檬茶嘅吉祥物鱷魚仔，儲夠12隻鱷魚仔仲可以換一隻鱷魚毛公仔添！📍旺角豉油街36-42號榮高樓地下3號舖位置就腳：🍊🍊🍊🍊🍊餐廳環境：🍊🍊🍊🍊食物味道：🍊🍊🍊🍊整體CP值：🍊🍊🍊🍊🍊