Video
Read full review
2024-08-12
200 views
牛丼家 GYUDONYA📍旺角通菜街123號盛世酒店1樓及2樓齊柏林熱狗應該都唔少人食過，踩入丼飯界嘅齊柏林你又食過未？今晚我同朋友專程入旺角探店，試試被譽為「屬於香港人嘅牛丼飯」到底係咪值得一試！大推有興趣試試嘅朋友購買套票，喺試業期間只要$100就買到5碗「當家牛丼」套票，平均$20就食到原價$26一碗嘅牛丼，咁嘅市道下，真係好難得！💰$46泡菜照燒雞扒飯 🐓唔食牛嘅我，嚟到都有好多選擇，有豚肉、鰻魚同雞肉等。見照燒雞扒賣相幾好，所以我揀咗泡菜照燒雞扒飯，夾起泡菜仲可以有多一份小食。珍珠米飯底本身已淋有照燒汁，所以唔會乾爭爭；雞扒同泡菜份量十足，前者皮脆肉滑，無太多脂肪，後者唔會過鹹過辣，特別醒胃。 💰$52香蔥牛魔王飯 🐄朋友就點咗最具人氣嘅牛魔王系列，怕油怕膩嘅佢揀咗香蔥配料，取餐時見到飯面鋪滿大量青蔥，若隱若現有一塊厚身牛漢堡。白飯同樣採用珍珠米，飯量非常夠食，淨食牛肉已有啖啖牛香，非常下飯。再喺白飯淋上必試嘅牛魔王汁，令和牛提煉嘅牛油、柚子醋、秘製醬汁同白飯混合，食落盡是滋味。香蔥呢個選擇的確明智，牛肉再香都怕油膩，但有片片清新嘅香蔥中和，有助減低醬汁嘅飽膩感。 💰$10青
📍旺角通菜街123號盛世酒店1樓及2樓
齊柏林熱狗應該都唔少人食過，踩入丼飯界嘅齊柏林你又食過未？今晚我同朋友專程入旺角探店，試試被譽為「屬於香港人嘅牛丼飯」到底係咪值得一試！
大推有興趣試試嘅朋友購買套票，喺試業期間只要$100就買到5碗「當家牛丼」套票，平均$20就食到原價$26一碗嘅牛丼，咁嘅市道下，真係好難得！
[價錢 Price]
💰$46
泡菜照燒雞扒飯 🐓
唔食牛嘅我，嚟到都有好多選擇，有豚肉、鰻魚同雞肉等。見照燒雞扒賣相幾好，所以我揀咗泡菜照燒雞扒飯，夾起泡菜仲可以有多一份小食。珍珠米飯底本身已淋有照燒汁，所以唔會乾爭爭；雞扒同泡菜份量十足，前者皮脆肉滑，無太多脂肪，後者唔會過鹹過辣，特別醒胃。
[價錢 Price]
💰$52
香蔥牛魔王飯 🐄
朋友就點咗最具人氣嘅牛魔王系列，怕油怕膩嘅佢揀咗香蔥配料，取餐時見到飯面鋪滿大量青蔥，若隱若現有一塊厚身牛漢堡。白飯同樣採用珍珠米，飯量非常夠食，淨食牛肉已有啖啖牛香，非常下飯。再喺白飯淋上必試嘅牛魔王汁，令和牛提煉嘅牛油、柚子醋、秘製醬汁同白飯混合，食落盡是滋味。香蔥呢個選擇的確明智，牛肉再香都怕油膩，但有片片清新嘅香蔥中和，有助減低醬汁嘅飽膩感。
[價錢 Price]
💰$10
青菜套餐 🥬
加$10就可以追加青菜套餐，配搭湯品或飲品。青菜配麵豉湯係較健康嘅組合，營養較均衡。
[價錢 Price]
💰$20
炸雞套餐 🍗
加$20則可追加炸雞套餐，同樣可搭配湯或飲料。三件炸雞形狀大少不一，顏色金黃，唔會炸得過燶，雞肉頗滑，可以一試。
牛丼家既有和風裝潢，又有適合港人口味嘅丼飯，價錢仲非常貼地，難怪試業期間，佔地兩層嘅牛丼家就已經座無虛席，所以我哋都推介經過旺角嘅大家試試。
Post
