Video
Read full review
2022-02-09
218 views
旺角染布房街最近新開咗間「YOLO Cafe & Bar」，餐廳裝潢以白色作主調，環境悠閒恬靜，簡潔清新風格，吸引不少年青人到場打卡。今日要嚟旺角做嘢，收工就順便過嚟買外賣。餐牌選項很豐富，有全日早餐、班尼迪蛋、沙律、湯、意粉及意大利飯、小食及薄餅，另外亦幾款 Lunch Set 供應，而外賣自取更可享 9 折優惠。點咗客英式蜜糖芥末雞翼 ($78)、香煎雞胸意大利飯 ($118) 同 一杯檸啡 ($50)。雞翼即點即炸，隻隻都頗有睇頭，大大隻、多肉肥美，而且調味亦啱啱好，食落蜜糖同芥末味都幾濃，惹味得嚟又唔會好攻鼻。香煎雞胸賣相亦很吸引，煎至金黃微焦，加上件件都切得好厚身，入口啖啖肉，富蛋白質又有飽肚感。意大利蕃茄飯亦做得很有水準，飯粒煙韌 Creamy，蕃茄味酸甜有致，味道夠晒天然。另外杯檸啡亦好有驚喜，飲落好順喉，一點也不苦澀，清爽得嚟又帶點酸香，為疲倦嘅一日增添朝氣。
旺角染布房街最近新開咗間「YOLO Cafe & Bar」，餐廳裝潢以白色作主調，環境悠閒恬靜，簡潔清新風格，吸引不少年青人到場打卡。
今日要嚟旺角做嘢，收工就順便過嚟買外賣。
餐牌選項很豐富，有全日早餐、班尼迪蛋、沙律、湯、意粉及意大利飯、小食及薄餅，另外亦幾款 Lunch Set 供應，而外賣自取更可享 9 折優惠。
點咗客英式蜜糖芥末雞翼 ($78)、香煎雞胸意大利飯 ($118) 同 一杯檸啡 ($50)。
雞翼即點即炸，隻隻都頗有睇頭，大大隻、多肉肥美，而且調味亦啱啱好，食落蜜糖同芥末味都幾濃，惹味得嚟又唔會好攻鼻。
香煎雞胸賣相亦很吸引，煎至金黃微焦，加上件件都切得好厚身，入口啖啖肉，富蛋白質又有飽肚感。意大利蕃茄飯亦做得很有水準，飯粒煙韌 Creamy，蕃茄味酸甜有致，味道夠晒天然。
另外杯檸啡亦好有驚喜，飲落好順喉，一點也不苦澀，清爽得嚟又帶點酸香，為疲倦嘅一日增添朝氣。
Post
