真秘鍋 (Closed)

呢幾日行經見到呢間新開既火鍋即刻同朋友去嘗鮮 （其實係俾龍蝦湯吸引左).賣點之一絕對係九五至尊，新鮮即撈活龍蝦既龍蝦湯！100%真材實料 熬出橙黃嘅龍蝦油 記得一定要先飲湯然後先開始打邊爐🤣.仲有加湯係會加返原本嘅湯底，而唔係加高湯俾你即係飲幾多龍蝦湯都會加返龍蝦湯俾你咁就唔駛驚會越食越淡.除左龍蝦湯底 火鍋又點少得呢 今次我地就訂左條石斑魚，襯埋龍蝦湯底一流淥10秒就食得 入口勁嫩滑.食材新鮮擺盤都好靚 好似個頂級牛小排就係用燈籠造型上菜 好靚架.成間店坐得非常舒服 而且食物都好高水準♥️