粗店燒烤

Open Now

Now Closed

旺角不嬲都好多好嘢食，次次去旺角都好煩惱究竟食咩好，今日咁啱見到呢度有間新開嘅串燒餐廳，而且入面人山人海，好似好吸引，咁就入去試吓啦。呢間餐廳好多人，建議大家想食嘅話就早啲嚟等位，不過佢雖然多人，但係入面嘅座位都坐得好舒服。呢度嘅串燒價錢好平，叫多好多轉都唔心痛，而且佢嘅份量都幾大，性價比好高。我認為最抵讚嘅就係呢個燒雞翼。K中翼非常大隻，而且燒嘅火候啱啱好，食落外脆內嫩，而且佢嘅調味都好足夠，唔會掩蓋咗本身嘅雞味，調味同雞肉好夾。另外呢個燒秋葵都好好食，食得多肉類就好想食蔬菜，佢嘅秋葵竟然比肉類更加好食，識落又腫好清新嘅感覺，越食越開胃啊。另外我覺得呢個蒜蓉生蠔都好值得一試，佢嘅生蠔好新鮮同埋好大隻，配埋蒜蓉真係一流啊。呢間餐廳價錢又平，而且食材質素又高，唔怪得咁多人幫襯啦。下次一定會再嚟試吓未試過嘅串燒啊。