阿久根和牛立燒店 (Closed)

「 旺角日式和牛燒肉店 」呢間阿久根和牛店好有日本feel 一入到去店到 店員好親切問我地幾位再安排我地入座 成餐都食得好舒服 呢間餐廳雖然個名話係立和牛但其實係有位坐架放心🤣坐低之後店員會比個前菜我地係需唔額外比錢 但明白點解要收錢因為係煮得好淋嘅牛舌好入味☺️🍱極尚和牛定食呢個定食會包括有肉、沙律、前菜、麵豉湯同白飯 肉類方面會有肉眼A4、西冷A4、和牛同黑豚西冷(原本係牛舌 但因為我地唔食所以問店員轉其他肉比我地)🍲阿久根和牛涮涮鍋呢個餐有三種牛分別係前胸腹肉、三角肋肉同肉眼A4 而湯底就係壽喜燒 甜甜地好好味加埋個烏冬就夠哂入味 烏冬好彈牙係我鍾意嘅個款 而肉眼啲紋好靚入口即溶 另外仲有一個蔬菜拼盤同埋生雞蛋 見到成個餐嘅嘢好精緻已經急不及待要食