花月庭 (Closed)

旺角最豪華酒店中最優秀餐廳 - 花月庭晚市堂食岩岩宣布左放寬，各大餐廳都開始出招吸引番客人幫襯。最近花月庭推出呢個「滋味海鮮自助午餐」，以好超值既價錢就可以食到係晚市先出現到既美食，咁吸引，難怪我做開FOOD BLOGGER既網紅朋友都要捉埋我去食啦。一入到餐廳已經見到坐滿哂客人，難怪唔接受WALK IN仲要至少兩至三星期前上網訂位先有得食啦。門口位附近會見到唔少冷盤，有帕爾馬火腿、西班牙辣肉腸、雜錦凍肉、煙三文魚，但賣相唔太吸引。唯獨係蟹肉蝶豆花杯紫藍色，好夢幻，吸引到我既視線，但味道就一般。如果要食到回本既話，CK建議大家每次排隊可以拎多D美國生蠔同法國生蠔，佢地有少少海水味，同埋較細隻，勝在可以食多幾隻。排隊拎生蠔既人龍幾乎未斷過，每次都有8至10人排，但係好彩都唔洗等好耐。呢度亦有幾款凍海鮮(海蝦、新西蘭青口、章魚仔），海蝦夠哂新鮮甜美，一D都唔腥，青口隻隻都非常大隻，但章魚仔就太細隻，夾到我無乜耐性，都唔夠塞牙喇，唔會想花太多時間食呢個。刺身CK試咗吞拿魚、鯛魚同三文魚，最推介係三文魚，因為佢係新鮮厚切 ! 而炙燒玉子、三文魚、吞拿魚卷都同樣出色，份量大而且好食過出面好多日本