Video
Read full review
2023-01-18
82 views
旺角朗豪坊高質Fusion玩味川菜🌶️川莊📍旺角亞皆老街8號朗豪坊12樓12號舖「記住要共最美的人分享每個夜晚，別忘掉原是靠堅持醫好每個傷患。」#青春頌 #許廷鏗旅行返嚟繼續約朋友食飯派手信，今日同朋友相約係朗豪坊行街食飯，行完街開始肚餓，大家都諗住試下D特色餐廳，咁啱見到依間川莊嘅招牌火辣艷麗，立即比佢吸引咗，就決定今晚食依間川菜。餐廳裝修風格以紅色做主調襯搭返川菜火辣嘅主題，坐枱空間闊落，環境舒服。每枱入座前已每位放置咗一杯八寶茶，加埋一個古色古香嘅茶壺比客人自助沖泡，新舊交融又有得玩嘅設計令到用餐體驗幾滿意。-湯羹🫕-胡椒沙白海澡湯 $55 4.2/5 ⭐️-濃湯雲吞雞 $64 4.1/5⭐️今日天氣顯著轉涼，我地見到餐單有幾款湯羹即時點咗兩碗靚湯滋潤下。首先係胡椒沙白海澡湯，沙白份量豐富，味道鮮甜帶少少胡椒味，好暖胃。另一款雲吞雞湯湯頭濃郁，啖啖雞湯鮮味非常滋潤，雞肉嫩滑，雲吞飽滿多汁，真材實料。-小食🍢-黑椒雞泡魚乾 $48 3.8/5 ⭐️-七彩雞翼拼盤 $95 4.2/5 ⭐️之後上枱嘅係兩款小食，雞泡魚乾稍稍過咗火喉同埋比較重黑椒味，個人口味上會鍾意日式味醂味道多D。緊接住嘅七彩
川莊
📍旺角亞皆老街8號朗豪坊12樓12號舖
「記住要共最美的人分享每個夜晚，別忘掉原是靠堅持醫好每個傷患。」
#青春頌 #許廷鏗
旅行返嚟繼續約朋友食飯派手信，今日同朋友相約係朗豪坊行街食飯，行完街開始肚餓，大家都諗住試下D特色餐廳，咁啱見到依間川莊嘅招牌火辣艷麗，立即比佢吸引咗，就決定今晚食依間川菜。
餐廳裝修風格以紅色做主調襯搭返川菜火辣嘅主題，坐枱空間闊落，環境舒服。每枱入座前已每位放置咗一杯八寶茶，加埋一個古色古香嘅茶壺比客人自助沖泡，新舊交融又有得玩嘅設計令到用餐體驗幾滿意。
八寶茶
7 views
0 likes
0 comments
-湯羹🫕
-胡椒沙白海澡湯 $55 4.2/5 ⭐️
-濃湯雲吞雞 $64 4.1/5⭐️
今日天氣顯著轉涼，我地見到餐單有幾款湯羹即時點咗兩碗靚湯滋潤下。
首先係胡椒沙白海澡湯，沙白份量豐富，味道鮮甜帶少少胡椒味，好暖胃。
另一款雲吞雞湯湯頭濃郁，啖啖雞湯鮮味非常滋潤，雞肉嫩滑，雲吞飽滿多汁，真材實料。
胡椒沙白海澡湯
7 views
0 likes
0 comments
濃湯雲吞雞
8 views
0 likes
0 comments
-小食🍢
-黑椒雞泡魚乾 $48 3.8/5 ⭐️
-七彩雞翼拼盤 $95 4.2/5 ⭐️
之後上枱嘅係兩款小食，雞泡魚乾稍稍過咗火喉同埋比較重黑椒味，個人口味上會鍾意日式味醂味道多D。緊接住嘅七彩雞翼拼盤上枱非常吸睛，打卡一流，每隻雞翼都配上唔同醬料，啱哂選擇困難症同食肉獸人士，特別鍾意沙律醬同韓式辣醬味，前者酸酸甜甜，後者令雞翼更加惹味。
七彩雞翼拼盤
8 views
0 likes
0 comments
-主菜🍲
-招牌酸菜魚(例牌) $268 4.3/5⭐️
餐廳以川菜為主打，除咗水煮魚/牛系列之外，點少得酸菜魚，仲有得揀唔辣方便唔食辣嘅朋友，頗為貼心。酸菜魚上枱非常搶眼，因為例牌份量都已經非常豐富，相信足夠4人份量進食，酸菜鋪滿整個湯窩，而且魚肉爽口，配搭紅薯粉一齊入口非常滿足，兩人對分足足分到4碗有多，非常高性價比。
另外不得不提侍應好貼心，除左不時幫我地換碟之外見到我地想飲湯仲主動提供湯碗比我地，好細心。
招牌酸菜魚
16 views
0 likes
0 comments
-甜品🍨
-咱家製花椒雪糕 $58 4.4/5⭐️
-拔絲士多啤梨$125 4.4/5⭐️
雖然已經好飽，但甜品依然要叫，首先要介紹嘅依杯花椒雪糕純粹係比名吸引咗，外表唔算特別，但估唔到內有乾坤，雪糕食落帶有花椒麻香，取其麻而不辣，食完味蕾少少麻痺，非常有趣嘅體驗，想試新奇野嘅朋友好推薦。
最後嘅拔絲士多啤梨出場非常震撼，龍捲風型嘅糖漿拉絲非常吸睛奪目，絕對係考功夫考心機嘅一項菜色，叉起拉絲底下嘅士多啤梨拌上糖絲一齊進食，口感變得外脆內軟，而且混和士多啤梨嘅酸甜，將味道提昇一個層次，又係一個有趣嘅體驗。
咱家製花椒雪糕
21 views
0 likes
0 comments
拔絲士多啤梨
13 views
0 likes
0 comments
-飲品🍹
-八寶茶 每人一盅 4.2/5 ⭐️
-粉紅荔枝繽紛沙冰 $58 4.2/5 ⭐️
-青蘋果乳酪特飲 $48 4.2/5 ⭐️
餐廳係飲品方面亦好有心思，每人一盅嘅八寶茶都用料豐富，紅棗、桂圓、枸杞、龍眼、冰糖、茶葉等一應俱全，仲可以自己沖泡，既滋潤又解辣，一次滿足哂。
另外叫咗兩杯飲品亦都非常有水準，青蘋果乳酪顏色繽紛之餘味道酸酸甜甜十分唔錯，而沙冰大杯之餘冰涼透心，亦係解辣之選。
八寶茶
9 views
0 likes
0 comments
10 views
0 likes
0 comments
總結: 餐廳以川菜做主打，但裝修風格同食物出品都添加創新元素，食物份量豐富，又有特色，猶其鐘意花椒雪糕同拔絲士多啤梨，係味道同視覺上都有唔同嘅體驗，推薦比鐘意食傳統惹味川菜之餘又想試新玩味菜式元素嘅朋友一定要嚟試下。
====
#川莊
#旺角美食#朗豪坊#hkfood #hkfoodie #foodiehk #hkfoodblogger #hkfoodlover #hkfoodstagram #hkfoodporn #852eats #hkiger #食好西 #相機食先 #香港美食
#川菜#酸菜魚#八寶茶#花椒雪糕#拔絲士多啤梨
====
有興趣睇更多好西推介，或者大家有好西Share，請大家Follow下我IG，比D支持✨：@healoop.foodie
Post
