極尚大喜屋

Open Now

Now Closed

今日朋友升職一早book定位食餐好嘅慶祝下， 之前食過沙田大喜屋覺得好高質 ，今日黎到旺角極尚大喜屋， 好彩一早訂定位， 旺角極尚大喜屋真係超高人氣， 晚市五點開始六點未夠已經全場爆滿， 呢度裝修典雅，大部分都係卡位坐得舒服。極尚大喜屋 食物選擇 超級多， 刺身有 我最鍾意嘅帆立貝、甜蝦、大赤蝦、北寄貝、赤貝、三文魚等等， 仲有長腳蟹添❤️， 仲有好多款創意壽司， 最驚喜嘅就係海膽壽司任食❤️， 刺身新鮮肥美，三文魚厚切啖啖肉，淨係食刺身、海膽都已經值回票價😂必試系列 ：燒福岡芝心漢堡： 肉質嫩滑多汁嘅漢堡包住濃郁嘅芝士，仲有溫泉蛋伴碟，加埋一齊食令到漢堡更嫩滑美味。極品鮑魚一口叉燒酥：鮑魚鮮甜彈牙，粒粒叉燒惹味加上酥皮托底，口感有層次，多重享受椰皇燕窩燉蛋：除咗出面有好多凍食嘅甜品外 特別留意椰皇燕窩燉蛋，燉蛋嫩滑每一啖都食到陣陣嘅椰香，仲有最養顏嘅燕窩，甜而不膩。