泰屋

Open Now

Now Closed

今日放學約咗朋友喺旺角嗰邊行街，旺角不嬲都好多嘢食，今日我哋咁啱想食泰國菜，所以你到咗位於彌敦道嘅泰屋。呢座大廈有好多餐廳，而呢間泰國菜非常吸引，當日四點到仲提供緊午市，午市套餐非常抵食。乾炒泰國金邊粉 $55金邊粉大大份，份量多，即叫即炒，熱辣辣，香氣撲鼻。金邊粉炒得好惹味，帶有茄汁酸酸甜甜嘅香味，而且炒得好乾淨。配菜方面，有雞肉、韭菜、蛋、芽菜等等。雞肉好滑，韭菜同芽菜都為金邊粉增加咗唔少口感。而蛋就令成個炒粉變得更加香。海南雞飯 $70海南雞飯一樣熱辣辣，可以配油飯或白飯，我配咗油飯。油飯香噴噴，充滿雞油嘅鮮甜味，粒粒分明。雞件好靚仔，每件都去咗骨，非常方便進食。雞件雞皮好彈牙，雞肉非常嫩滑多汁。而家見底下仲有啲蔬菜，非常之健康。凍泰式奶茶（餐） $20午市套餐已經包咗基本飲品，如果想飲特飲就每杯加$10 ，我同朋友仔都揀咗泰式奶茶。泰式奶茶茶底香濃，好夠甜，好正宗。