Video
Read full review
2021-07-07
332 views
今次揀呢間樓上餐廳嘅原因係朋友介紹話呢度嘅威靈頓牛味道唔錯，價錢唔貴值得一試。▫️威靈頓牛柳 (HKD388) - 5小時慢煮美國威靈頓牛柳，賣相吸引，粉嫩嘅牛扒外面包著金黃色酥皮。牛扒好軟熟，美味非常😋 印象中好多餐廳嘅威靈頓牛係全份上，對兩個人嚟講份量會多咗少少。呢間餐廳竟然有提供二人份量，食完仲可以試吓其他食物添。▫️特色小食拼盤 (HKD178) - 一個拼盤有5款小食，其中三款係炸物(炸洋蔥圈、炸脆魚手指、酥炸軟殼蟹)。最估唔到嘅係連燒豬肋骨都有。炸物一放入口就知係新鮮炸起；水牛城雞翼上嘅醬汁火辣惹味，真係令人食唔停口㗎。▫️脆炸魚手指 (HKD108) - 小食拼盤裡面三款炸物都可以散叫。我哋再叫多碟「脆炸魚手指」，因為有人食完小食拼盤後話個魚手指炸得香脆又好味喎😆😆餐廳裝潢以搖滾音樂作主題，店內紅牆磚上可見到唱片封套、唱片及結他掛飾。深木色檯凳、灰啡色地磚配紅牆磚，有懷舊嘅感覺。雖然餐廳係位於一樓，但地方夠闊落，適合同幾個朋友去食飯吹水呢。
▫️威靈頓牛柳 (HKD388) - 5小時慢煮美國威靈頓牛柳，賣相吸引，粉嫩嘅牛扒外面包著金黃色酥皮。牛扒好軟熟，美味非常😋 印象中好多餐廳嘅威靈頓牛係全份上，對兩個人嚟講份量會多咗少少。呢間餐廳竟然有提供二人份量，食完仲可以試吓其他食物添。
▫️特色小食拼盤 (HKD178) - 一個拼盤有5款小食，其中三款係炸物(炸洋蔥圈、炸脆魚手指、酥炸軟殼蟹)。最估唔到嘅係連燒豬肋骨都有。炸物一放入口就知係新鮮炸起；水牛城雞翼上嘅醬汁火辣惹味，真係令人食唔停口㗎。
▫️脆炸魚手指 (HKD108) - 小食拼盤裡面三款炸物都可以散叫。我哋再叫多碟「脆炸魚手指」，因為有人食完小食拼盤後話個魚手指炸得香脆又好味喎😆😆
餐廳裝潢以搖滾音樂作主題，店內紅牆磚上可見到唱片封套、唱片及結他掛飾。深木色檯凳、灰啡色地磚配紅牆磚，有懷舊嘅感覺。雖然餐廳係位於一樓，但地方夠闊落，適合同幾個朋友去食飯吹水呢。
Post
