Video
Read full review
2019-05-21
150 views
今次同幾個死黨嚟到旺角食飯，去到決定食乜嘅時候大家都話冇乜所謂，咁就頭痕喇，因為通常都係要我拿主意。難得有個兄弟話想坐得舒服啲，噉就去cafe la。第一時間諗到嘅地方，就係登打士廣場嘞，因為呢度差唔多成座樓都係cafe，然後上嚟之前喺openrice睇過最高好評嗰幾間，最後就揀咗呢間喇。入到餐廳之後，發覺環境都唔錯，最緊要係兩個字，夠寬敞。有時食飯真係想輕輕鬆鬆傾計，唔想隔離枱坐得咁埋咁壓迫。主菜方面，呢間餐廳都係意料之外嘅好。因為平時成日都覺得去cafe就預左膳食麻麻地，不過呢度就有啲唔同喎。意式煙肉蛋汁意粉。其實即係卡邦尼意粉啦，呢個面整得唔錯，好creamy，煙肉都夠足了，仲有隻蛋畀你撈下添。醬油香煎深海魚柳意粉。呢個面嘅sauce真係幾香，伴住啲菇嚟食係唔錯嘅，魚柳都幾香滑。黑松露帶子大啡菇。啡菇嘅味道好濃烈，配上黑松露嘅味道就中和返，加上有少少帶子調出個味，唔差嘅。炸物拼盤。扭扭薯條真係幾好食嘅，不過洋蔥圈同蟹柳等等個炸粉就比較多，我就麻麻地喇。黑魔后。佢啲特飲嘅名都幾有特色，呢杯系可樂溝咖啡，有咖啡味但主要係可樂嘅成份多啲，係幾過癮嘅。紅靴玩具兵。即係抹茶紅豆啦，紅豆分量
入到餐廳之後，發覺環境都唔錯，最緊要係兩個字，夠寬敞。有時食飯真係想輕輕鬆鬆傾計，唔想隔離枱坐得咁埋咁壓迫。
主菜方面，呢間餐廳都係意料之外嘅好。因為平時成日都覺得去cafe就預左膳食麻麻地，不過呢度就有啲唔同喎。
意式煙肉蛋汁意粉。
其實即係卡邦尼意粉啦，呢個面整得唔錯，好creamy，煙肉都夠足了，仲有隻蛋畀你撈下添。
醬油香煎深海魚柳意粉。
呢個面嘅sauce真係幾香，伴住啲菇嚟食係唔錯嘅，魚柳都幾香滑。
黑松露帶子大啡菇。
啡菇嘅味道好濃烈，配上黑松露嘅味道就中和返，加上有少少帶子調出個味，唔差嘅。
炸物拼盤。
扭扭薯條真係幾好食嘅，不過洋蔥圈同蟹柳等等個炸粉就比較多，我就麻麻地喇。
黑魔后。
佢啲特飲嘅名都幾有特色，呢杯系可樂溝咖啡，有咖啡味但主要係可樂嘅成份多啲，係幾過癮嘅。
紅靴玩具兵。
即係抹茶紅豆啦，紅豆分量就少左啲，整體嚟講抹茶味都濃郁嘅。
呢間餐廳無論係食物同環境都有唔錯嘅分數，所以我都會再嚟嘅。
Post
