平民扒房@友蠔食 (Moved) New Location

今日嚟到試吓個二人晚市套餐！咁我哋大約1930到，個日係閒日嚟，可能因為舖頭唔大，位唔多，我哋大約等咗半個鐘先可以入座，所以想嚟嘅朋友可能book定位先！🔺南瓜忌廉湯都幾 creamy 啊，不過南瓜味唔重，整體不過不失啦！🔺海鮮拼盤有4X青囗、2X蜆、2X蝦、2X螺、2X帶子、4X生蠔，可以點辣醬/wasabi/燒汁。個人認為生蠔略腥，其他就比較易入口。😰鍾意海鮮嘅朋友可能會更加喜歡，不過因為個人囗味，我就麻麻哋呢個。🔺菠蘿特飲酸酸甜甜咁，好開胃，仲幾大杯添，配啲海鮮食就幾夾。🔺炸蝦、薯餅最好味係呢個！炸蝦炸到金黃色，外皮夠曬脆，但入面蝦肉又唔會好粉，配埋沙律醬食，我比100分！個薯餅好似溝咗啲蟹肉，食落唔會好似普通薯餅咁單調。😍🔺蒜蓉白汁蜆肉意粉雖然蜆得4隻(略少)，而且意粉個底有啲油，不過蒜蓉同洋蔥味好足，食落好香口，都唔錯！