越風味地道越南料理

Open Now

Now Closed

星期五放工約左朋友食越南嘢，放工之後就搭地鐵到油麻地落車，A出口行2，3分鐘就到既「越風味地道越南料理」（旺角）。晚餐時間全場滿座。越風味蟹膏海鮮炒飯。呢個炒飯好好食！新鮮滾熱辣，而且一上枱嘅時候就覺得炒飯嘅香氣撲鼻，而且炒岀黎嘅米飯粒粒分明，感覺炒功一流。食到超級飽滿之处，又有蝦仁等海鮮作為為食材，吃起黎好清爽，完全唔會有一種油膩嘅感覺。香茅牛肉撈檬。牛肉好香香矛味，我本身已經好鍾意d檬粉既口感，撈埋個越南酸汁一齊食，酸酸地既味道，搞到越食越想食啊！我同朋友都好鍾意食軟殼蟹，所以就叫左兩個有軟殼蟹既越南菜！蒜蓉牛油軟殼蟹，好香好脆，唔油膩！芒果軟殼蟹米紙卷，米紙煙煙韌韌，外軟內脆，口感層次豐富既一道越南菜！嘢飲就叫左呢度既自家煲香茅薑茶，清香既香茅加上濃濃既薑味，又暖身又暖胃！新鮮椰青凍飲呢個椰青非常多水，而且非常夠涼夠凍～滿滿的嘅椰青水一下飲落去勁有清涼感！飲完椰青水之後，仲可以食埋啲椰青肉添！