壹蒸鍋

今次嚟到旺角去咗兆萬中心 試吓呢一個蒸氣鍋 上網睇食評 好似好吸引 仲有飲品放題 啱晒我哋四個鍾意飲啤酒嘅男人 搭lift上到15樓 好快就帶咗我哋埋位！我哋嘅今日套餐，包咗一次海鮮，同埋安格斯牛肉無限任叫 第一輪海鮮，我哋食咗鮑魚，都好新鮮唔會太韌！隔離亦都有蒸生蠔，蒸帶子，同埋沙白。細食嘅我食完第一轉已經有少少飽 食完之後職員會上埋火鍋嘅食物，安格斯牛肉質素唔差，我哋都叫咗好多碟，啱晒成班男人 最後埋單，每人大概300，價錢亦都非常合理。