壹蒸鍋

兆萬噶壹蒸鍋都帮衬左好耐了，一般都会点黃立䱽蒸，品质唔错而且好霖，口感層次分明。小籠包原汁原味，都唔错。熱辣辣噶湯底放牛肉片，簡單淥水就ok了。豉汁蒸扇貝，都几新鲜噶.

加$148食西澳龍蝦，肉質好彈牙，超值！其他海鮮也不錯，喜歡北寄貝同龍躉，好鮮味，另外蒸物亦有牛柏葉，辣花螺等！火鍋是一般必有品種，生菜夠新鮮，鮮蝦同蝦滑推介！

一入到兆萬的壹蒸鍋，當真叉燒撞醬油咁驚喜！坐低未夠三秒，雞腳已經上枱，又滑又香，開胃得嚟！係度試海鮮蒸鍋，話時話，鮮到出水嘅和牛，肥美留口，正到爆炸！龍蝦加蒜蓉，襯埋蒸得啱啱好嘅粉絲，巧妙地將海鮮嘅鮮甜全都鎖喺心頭。班戆仔蒸黃立䱽，酥軟得嚟唔失鮮味，質感嘅層次讓人直頌利是！再嚟嘅小籠包，鮮肉韭菜味兒，每一啖都吮指原味，吸引到周圍食客一臉羨慕。呼一口熱辣辣嘅拼湯底，夠哂味，溫暖透心！跟住嘅牛肉薄透光，火候一拿就係，淥水即食，下肚都覺得身體一暖。幸好趕得及試埋豉汁蒸扇貝，那個味道，保證你食咗都要讚好好食！三文魚件件厚切，蒸得啱啱好，鮮滑得滯！而家滿足晒，不過有得任飲任食，仲唔夠心？下次一定要再嚟，呢間仲有好多我未食過嘅嘢呀！🍢🦞🥢

食材品質不好、不新鮮，其他菜品味道也不好。蜆有臭味。用餐環境不好，餐廳調料區擺放很亂，燈光暗沉，座位很逼。莫名其妙附加費用很多，入座前電話問過$209-$219/位，最後各種未知隱形收費算下來$285/位。$285/位價錢吃蒸海鮮非常不划算，刺身還不是放題，菜式品種也少。寧願每位加十幾蚊去其他地方吃日式放題。亂收費也是很大問題，套路深，剛坐下服務員以極快語速說一些收費項（但是環境嘈雜根本聽不清楚說什麼），然後讓顧客在不清不楚情況下默認附加收費項目。埋單時突然發現多出很多費用。餐廳非誠信經營，絕不會再去第二次。講真，非常不推薦！不推薦！不推薦！去了一定後悔！！！

筍盤喇～🦐嗰日我同三五知己去咗間啱啱開嘅蒸氣海鮮食肆！天氣有啲凍，但食住熱辣辣嘅蒸氣菜式就暖笠笠，夠晒舒服！落座一坐，咁就揀左盤賣相吸引、色彩斑斕嘅海鮮蒸鍋。想講，啲扇貝好哂口，粉絲吸滿咗蒸出嚟嘅海鮮甘香，蒸蠔每一隻都飽滿得滯，嗰香味啊，真係引得我一啖又一啖！我地仲試咗啲殼啦榮螺，咬落去夠晒彈牙，暗暗爽口！食到咗摺，傾偈傾出哂熱氣，又嚟咗個粥底。炆到個粥底有啲粒粒甜，每一啖都感覺到海中寳貝嘅甘甜，真係正！湯底再轉打邊爐，煮埋啲雪花肥牛，真係入口即溶，好過癮！最後，我哋就試咗甜品，嗰個榴槤雪糕條，濃郁得黎唔膩口，完美收官呀！實話實講，我食完響內心諗嘅就係下次幾時再黎！實在係鮮味滿溢，快樂到不得了嘅海味之旅！🐟🍲🥢

幫襯左好多年，星期六1830左右入場$219+$10，加海鮮拼盤$50，再加一。食物質素仍然有水準，海鮮拼盤有蟶子、扇貝、鮑魚、蝦、蜆、魚、蠔，仲有好多蒸嘅點心小食，之後食粥底火鍋仍然好夠味。飲品啤酒汽水任飲。唯一美中不足是食曬粥後有個短髮女職員話要加湯，我婉拒，指住枱面幾枝水話加水就得，因為湯底好咸，該女職員立即話，要加水同我地講，唔好嘥我啲樽裝水！我哋三個人食枱面擺左4枝水，我加咗2支半落去，份量係計得啱啱好半煲滿，唔會太嘥個湯底！飲品係任飲，我3個人飲4支水其實都唔過分！我加落個湯底又唔係話加到滿嘥晒啲水，而且食物同飲品我哋全部都係叫得啱啱好冇話浪費，該職員唔忿氣跟住再加多半煲水落去，搞到我哋勁滿好耐先滾起，咁先至真係浪費咗啲水，成個餐廳其他職員都服務態度好好會主動幫我哋收碟，唯獨是該位短髮女職員態度十分之差短期內我唔會再幫襯，亦都唔會推薦朋友嚟食！

同朋友慶祝生日，見咁多好評以為好嘢，喺兆萬好多間食過都比較失望，以為今次會唔錯。首先入到去人不多，坐落叫一個基本再加海鮮拼盤每人+50 ，再加了一個升級牛肉每人+50，平均就是306一個人，再加一。首先刺身極度唔靚，三文魚食落冇味，玉子鞋口，完全唔掂， 蒸海鮮一般，其他火鍋配料，整體十分麻麻，冇下次。

#乜乜飲食日記 【又#邊爐】🔺適合大班人🔺限時2.5小時🔺海鮮好鮮甜 🔺火鍋＋蒸海鮮都唔洗300蚊/位！———————————————「打邊爐任食，海鮮拼盤好新鮮，火鍋配料隻蝦仲識郁👍🏻👍🏻👍🏻」 ———————————————🍊前菜：送刺身拼盤》6-7款刺身，有少少冰感，但都算係咁🍊蒸海鮮 ＋$50/位👍🏻》依個真心抵食，兩大盤蒸籠，飽魚、帶子、北寄貝、大細蜆仔。。。差唔多十款，計哂分鐘唔怕蒸過龍！依個價自己買都買唔到～重點係洗都好煩LOL🍊蒸餸任食》燒賣：豬魚肉的燒賣，好味幾出色！》欖角黑豚肉：欖角好入味～意料之外》清酒蒸蜆仔：都OK🍊蠔仔粥底火鍋👍🏻👍🏻》蒸海鮮的精華＋蠔仔粥係～超！好！味！食兩三碗都仲有～三個人絕對食唔哂🍊火鍋亮點：》肥牛唔錯，有肉味》海蝦大隻得黎仲郁緊，連我唔喜歡邊爐食蝦都食左幾隻》芝士腸食落怪怪的，可免則免🍊任飲部：》自家清熱涼茶、汽水，仲有嘉士伯Light啤🍺！正～後記：🔹火鍋任飲任食加埋蒸海鮮，食2個半鐘，星期六食飯黃金時段，埋單都唔洗$270一位，好抵食！！🔹冷氣好凍，坐前場好啲🔹生日蛋糕都無切餅費🔹侍應們都好好☺️回頭率：🍊🍊🍊🍊/5

突然間想食海鮮又想打邊爐，揀咗旺角既壹蒸鍋食任食既粥底火鍋。全日不同時段有不同收費，我地係平日5:45入座，普通任食火鍋每人$199，加海鮮拼盤既話每人$249，係呢間食絕對要加海鮮拼盤！一開始餐廳送左個刺身拼盤做前菜，有三文魚、甜蝦、希靈魚、油甘魚、赤背、蟹柳等等，新鮮度正常，本身對呢個刺身拼盤都期望不大，算係正常發揮。之後到戲肉：海鮮拼盤！一上菜有兩大盤海鮮，所有材料都係二人份量，分上下兩層用蒸鍋蒸熟。基本上所有海鮮都係用豉油、蒜蓉同粉絲去蒸，味道調得幾好，食落好惹味，職員會用計時器校好晒時間，叫我哋響鐘就食得。帶子同扇貝都好鮮甜，龍躉同蠔都冇乜腥味，龍躉食落去好滑又冇骨，鮑魚都算爽口彈牙，蜆同沙白幾大隻又無砂，最正就係個堆索哂味嘅粉絲。蒸完海鮮仲有好多款細細碟嘅餸可以蒸，例如蟲草花蒸滑雞、辣椒魚頭雲、豉汁魷魚蒸豆腐、清酒蒸蜆、白鳝、小籠包同燉蛋。款式都算幾多，味道都唔差。蒸完海鮮之後d精華滴左落去個粥底度，攪勻等粥滾起之後就有一大煲充滿鮮甜味嘅豬骨粥食，份量都幾多，我地兩個人每人食咗兩碗都已經好飽。食剩既粥唔會嘥，可以叫職員加高湯再用黎打邊爐。打邊爐嘅食材種類好多，同出面其他嘅餐

今日同朋友去左食，海鮮都算新鮮職員態度都好好👍🏻👍🏻每人都叫左個海鮮拼盤，都幾豐富架蒸既食物都好多選擇，而且都好好味特別係蒸雞同魷魚 值得一試！食到咁上下職員就會幫我哋落蠔落煲粥到，煲粥都好好食之後加湯打邊爐，個湯底都好好味👍🏻出野食既速度都好快

今次嚟到旺角去咗兆萬中心 試吓呢一個蒸氣鍋 上網睇食評 好似好吸引 仲有飲品放題 啱晒我哋四個鍾意飲啤酒嘅男人 搭lift上到15樓 好快就帶咗我哋埋位！我哋嘅今日套餐，包咗一次海鮮，同埋安格斯牛肉無限任叫 第一輪海鮮，我哋食咗鮑魚，都好新鮮唔會太韌！隔離亦都有蒸生蠔，蒸帶子，同埋沙白。細食嘅我食完第一轉已經有少少飽 食完之後職員會上埋火鍋嘅食物，安格斯牛肉質素唔差，我哋都叫咗好多碟，啱晒成班男人 最後埋單，每人大概300，價錢亦都非常合理。

今次朋友仔帶我到 "壹蒸鍋" 試試海鮮蒸氣火煱放题，除了火鍋外，還有蒸鍋，我們選擇了追加蒸海鮮盆🦐🐟🦪原汁原味，好新鲜呀👍海鮮盆種類豐富 ~新鮮😋有蠔、蟶子、帆立貝、鮑魚、龍肉、海蝦、花甲🦪蒸品點了：松草花蒸滑雞、辣椒魚頭雲、日本紫薯拼鮮准山、豉汁魷魚蒸豆腐、清酒蒸海蜆、果皮蒸龍頭腩、陽江豉汁蒸白鳝、卡邦尼蒸青口、小籠包、藥膳雞腳、海螺、奶黃包、义燒包等……等😆大滿足吖.自選湯底：鰹魚湯和荽茜湯底🫕清清哋唔錯👍火鍋點了：雪花肥牛、羊肉片、鮮魚頭雲、海中蝦、脆鯇片、海白鱔、鮮脆鯇骨腩、滋補花膠、墨魚春卷、豬膶、爽脆墨魚鬚、蟹粉包丸、芝士腸、鮮蝦雲吞、蟹爪肉棒、響鈴卷、金菰菜、蟹子墨魚滑、鮮蝦滑、蘿蔔片、雜菜盆🍲除了多款蒸鍋、火鍋食物外，還有多款飲品、雪糕、雪條任飲任食😋海盬雪糕Yummy🧁

平安夜 夜晚朋友突然call大家出黎食飯佢地揀左呢間 因為開得夜以為兆萬既都伏 點知好有驚喜!!可以加錢加刺身 但我地無加因為已經好多野食!好多蒸海鮮 仲有好多蒸唔同食物 (好多估唔到咁都可以蒸)有小籠包 雞腳 雞子等等 好多特別既野都可以蒸蒸完仲可以打邊爐 同埋粥底粥底就吸晒所有蒸海鮮既精華一次可以食到3 ~ 4 樣食物 (打邊爐, 蒸海鮮, 粥底, 刺身)佢仲有好多唔同飲品 有D沖既茶 就可以解油膩另外都好多罐裝既飲品 又有啤油 仲有梅酒 但梅酒我就唔太suggest 太甜

9點鐘入座，蒸氣海鮮無人理，嗌極都無人聽到，之後到打邊爐畫左2張黎得勁小，好多野都無，之後再問佢又話入面可能好忙漏左，但其實出面得返幾枱客，之後叫我地再畫過，跟住拎得3樣野出黎話其他賣晒，其實真係好誇張，坐低未食飽d野食就賣晒😮‍💨😮‍💨😮‍💨😮‍💨😮‍💨😮‍💨😮‍💨😮‍💨咁我入黎之前你不如同我講定d野款類得返好小，咁我都無咁嬲果到果張2號枱個地下d風凍到好似去左雪地咁，未試過打住邊爐都可以凍到咁，呢間野真係唔會再去

第二次幫襯，星期日6:00入場，任飲任食兩小時，服務唔錯，蒸海鮮真係值得去試吓，第一輪有服務員會幫手蒸海鮮計時間，之後可以繼續單點蒸其他食物，最後跟手可以打邊爐，我覺得淨係蒸其他單點食物已經夠晒飽，打邊爐反而覺得冇乜特別，蒸物選擇多，夠晒味道。