潮城潮汕火鍋

Open Now

Now Closed

天氣轉涼最岩就係打邊爐～收工之後同老公去旺角行街，咁啱見到呢間火鍋店好似幾吸引～我哋叫咗蕃茄粟米豬骨湯底, 湯入面好足料! 有好多粟米蘿蔔等等配料, 味道好鮮甜~匙柄口感比較彈牙, 都幾多肉汁～幾好食😋匙仁肉質比較柔嫩, 都幾重牛味! 😍蒙古羊肉片唔會有太臊～肉質好幼嫩,唔會鞋口,好正👍🏻魚皮餃口感爽脆～豬肉粟米餃皮薄餡多,幾足料~娃娃菜好鮮甜, 好掛湯!炸潮州魚蛋魚蛋新鮮炸起, 好重魚味～熱辣辣好彈牙, 幾好味! 侍應會教你每樣肉類要淥幾耐, 呢樣嘢幾貼心, 餐廳亦都有好多牛肉部位可以選擇! 下次再嚟要同朋友過嚟先可以試多啲嘢😝