潮城潮汕火鍋

Open Now

Now Closed

一向支持留港消費嘅我，今日又畀我喺旺角搵到好嘢食喇📢今日同裝修師傅喺旺角行完睇完裝修建材後，就想搵地方坐低同師傅邊食邊傾下裝修問題，點知畀我哋見到一間潮汕牛肉火鍋，啱曬師傅口味。坐低，師傅先叫了2杯啤酒🍻，再點餐前小食😅🥢炸獅頭鵝肉丸 $33用澄海獅頭鵝的鵝肉手打而成，鵝肉丸爽口，鮮味多汁。第一次吃，好特別。🫕打邊爐最考驗肉質嘅新鮮度，正宗潮汕現切牛肉🥩，香港比較少見😊我們點了最平嘅牛骨🦴湯底，只需$68，定價親民！👍🏻配有冬瓜及粟米, 帶牛骨淡淡香味😋匙仁🥩高蛋白營養豐富，匙仁脂肪含量適中，油脂分布均勻，牛香味十足！😋 🥩嫩肉店長推薦➡️係火鍋界嘅小清新，他説如果未試過一定要試下？💓嫩肉位於牛臀腿部位，脂肪含量極少，肉質嫩口。放入火鍋一灼，食落超軟滑，口感細膩🤤🐑蒙古羊肉片薄薄嘅羊肉片，有羊味得嚟唔會有騷味。今日得兩個人食，唔可以食太多，選擇相對亦都比較少，下次一定要約埋大班朋友一齊嚟大吃大喝一番。想食潮汕牛肉火鍋，唔使一定要北上🙂 潮城 Chao Dynasty Hotpot📍地址：旺角白布街2-24號藝興大廈5號舖地下及閣樓@chao.dynasty#香港美食 #香港好去處

見天氣涼涼地好想打邊爐，諗起上次朋友推介旺角潮城潮汕火鍋，今晚同老公即刻book打邊爐。店舖尚算環境闊落，職員主動推介食物，服務吾錯蕃茄粟米豬骨湯底 $88拼澄海鹵水湯底我倆叫左呢款鴛鴦湯底，蕃茄粟米豬骨湯較清甜，鹵水湯底味道比較濃郁的鹵水香，我哋都偏向鐘意滷水湯底，惹味又特別潮城牛肉三拼（匙柄、嫩肉、三花趾） $168三款牛肉各有特式，匙柄牛味濃又幼嫩，嫩肉肉質夠腍，三花趾帶小小咬口炸獅頭鵝肉丸 $33炸獅頭鵝肉丸有驚喜，口感非常爽彈又滋味潮汕牛肉丸 $43潮汕牛肉丸都夠爽口豬肉韭菜餃 $33豬肉韭菜餃皮薄餡料粥，味道都不錯醬料費用 2位 $30整體來說，環境舒服乾淨，食物水準不錯，價錢亦吾貴，可以一試

今日在旺角打邊爐。白布街新開了一間火鍋店，標明是潮汕火鍋，很有興趣，一於試吓。潮汕火鍋湯底有別於麻辣火鍋，多數是清湯。我們選了番茄粟米豬骨湯（$78），湯中還有白蘿蔔，清甜好吃。食潮汕火鍋當然要食新鮮手切牛肉。通常一頭牛身上適合直接打邊爐的部位只佔35%左右，其餘部位的牛肉則會被製成手打牛肉丸。餐廳門口的一幅牛肉不同部位分類圖可供參考。我們點了「潮城牛肉三拼」（$168），一次過吃到三個部位。三拼包括「匙柄」、「嫩肉」和「三花趾」。用來醮店家自製的沙嗲醬好味。匙柄位於牛前腿上方部位，脂肪含量少，切面呈樹葉狀，紋理清晰。口感甜嫩無渣。嫩肉是腹部和臀部間的肉，色澤紅潤有光澤，口感清爽鮮嫩，肉味濃烈。三花趾是牛的前腿肌腱肉，爽脆可口。獅頭鵝肉丸（$33）～用澄海獅頭鵝的鵝肉手打而成，鵝肉丸爽口，鮮味多汁。第一次吃，好特別。豬肉粟米餃（$33）～餃子皮薄滑。炸蝦餅（$38）～原隻鮮蝦。油麥菜（$23）

餐廳位於旺角白布街，平時都好少黎呢度，呢日同朋友黎睇運動用品，朋友上網找到這間吃潮汕火鍋店，唔洗返大陸都食到。坐位闊落，與鄰枱亦有距離感，感覺幾好。 姬松茸豬骨湯底 ($88)這款湯底以姬松茸和豬骨熬煮而成，濃郁得來清徹，不會搶去食材的鮮味，感覺亦很健康。 潮城極品牛肉三拼 ($228)有吊龍伴、雪花牛頸脊和匙仁，呢度可以食到平時比較少吃的部位，不愧係潮汕火鍋，牛肉味濃郁，而且餐廳打直放牛肉，牛肉不會跌下來，展現其黏性，新鮮度高，雪花相對油脂較多，油花分佈均勻。 豬肉粟米餃 (4粒 $33)這款餃子包的方法很特別，帶有豬肉和粟米的甜味，皮薄。 牛肉丸 (4粒 $33)牛丸很juicy，而且爽口彈牙，大大粒，有牛的鮮味。 炸墨魚丸 (4粒 $43)墨魚丸炸得酥脆香口，墨魚丸夠彈牙，有墨魚粒亦保留了墨魚本身的口感。 唐生菜 ($23)唐生菜我覺得最適合打邊爐，清脆爽口，新鮮，打邊爐點都要食返個菜最健康。 點了飲品，淳茶舍 大紅袍烏龍 ($20)和健康工房 竹蔗茅根海底椰 ($20)，打邊爐熱氣，飲清熱飲品就啱哂。

潮城突然之間想食潮汕牛肉火鍋，好想食牛肉味重既清湯火鍋，就來左呢一間試一試店舖配料唔算多，但係有啲平時火鍋店見唔到既配搭，除左普通既蒜茸，炸蒜，香菜，蒽，辣椒，豉油，沙茶醬之外，仲有芹菜粒同蒜油，蒜油超香，一定要落！食潮州火鍋一定要叫牛骨清湯，用牛骨清湯食牛肉本身既肉味。叫左兩款牛肉，匙柄同嫩肉，兩款肉食落牛味好濃！好正，基本上每片肉烚5-8秒就岩岩好！私心叫左碟羊肉，羊味好出，中意食羊既人一定中意。炸獅頭鵝肉丸必點，爆汁。仲叫左魚皮餃同潮洲魚蛋，好彈牙。建議一定要叫菜，叫左油麥菜，最後烚落去，吸曬d精華！潮城潮汕火鍋 (旺角)旺角白布街2-24號藝興大廈地下5號舖

天氣急降涷又寒冷，經開旺角見呢間潮城潮汕火鍋，打邊爐就最啱啦。湯底點了牛骨湯，滾起來聞到都幾香牛味，煲內的白蘿蔔同粟米都清甜。潮州魚蛋，炸得熱辣辣，等食時醫肚就啱啦。牛-嫩肉，油脂含量低肉質細緻，粉嫩紅色望落有光澤，輕𤆥三分即可食用，口感鮮嫩可口。匙柄，牛前腿上方位置，脂肪含量少，切成片呈樹葉形状，纹理清晰，口感甜嫩又冇渣。蒙古羊肉片，切得薄身的好快就熟，邊帶些肥肉更好吃，啱晒喜愛食羊的我們。獅頭鵝肉丸，入口爆汁，肉味香濃爽口彈牙好捧。豬肉粟米餃，豬同粟米的份量配搭得宜，粟米鮮甜，豬肉亦有口感，絕對啱晒愛吃餃子的人仕。

Chao Dynasty Hotpot 潮城 prides itself on its flavorful broths, with the Tomato 🍅, Corn 🌽 and Pork Bone Soup 🐷 (蕃茄栗米豬骨湯底) being a standout. Priced at $78, this hearty soup base blends the natural sweetness of corn and tomatoes with the robust depth of pork bone, creating a perfect foundation for a memorable hotpot experience.The Meats: Tender and Exquisite👍✨- Tender Meat 🥩 (嫩肉) - $68: This aptly named dish delivers on its promise, offering succulent cuts that practically melt in your mouth.- Spani

旺角出名多嘢食今日凍冰冰黎到白布街潮城潮汕火鍋打個熱辣辣既邊爐舖頭一共兩層今次坐左上面 打卡一流懷舊港式裝修 好耐未見過呢啲窗框啦未開始食之前 有調味醬料可以自己慢慢揀必試有沙爹醬 好香😛上菜速度都好快湯底都有好多選擇我地揀咗清啲既牛骨湯想食出牛肉嘅鮮味❤️牛骨湯好清甜 裡面有粟米白羅白羅白本身都好淋 可以即食頭盤叫左即叫即炸既潮州魚蛋好彈牙 同好香魚肉味牛肉有好多唔同部位可以選擇而且店員會向你細心解釋返每個部位嘅口感 好專業嘅知識 🉐我地叫左個今次牛有匙柄同嫩肉匙柄是牛前腿上方部位原是牛肉中最好既部位之一匙柄的既脂肪比較少 且纹理清晰食落甜嫩又無渣嫩肉嫩肉是腹部和臀部間的肉 在一隻牛中所佔比例較高以瘦肉為主 非常之少脂肪 中間有dd 筋顏色紅紅地有光澤口感清爽鮮嫩 肉味較濃魚册一個潮州特色菜黎食落有啲似魚皮餃既味道啖啖魚肉 yummy 😋獅頭鵝肉丸睇落有啲似豬肉丸 第一次食 會愛上左佢一咬落去爆汁 而且好香濃同彈牙蒙古羊肉片薄薄地好快就食得 同埋唔騷 岩晒啲鐘意食羊既朋友仔

最近天氣都涷左好多，咁今次就同朋友就黎到旺角呢間餐廳打邊爐😉咁餐廳一開始都提供左唔同醬汁同配料比我地選擇，款式都唔少，我地4個人最後醬料費共$60，另外飲品就需要另外購買，如果可以有暢飲Plan就好完美🍻打邊爐用左牛骨湯底，都幾香，而肉類就叫左牛嘅嫩肉同匙柄部位，牛肉方面都算唔錯，幾濃牛味算幾嫩滑，另外仲有魚皮餃、豬肉芹菜餃、潮州魚蛋、魚册同雜菜拼盤，總體都唔錯不過不失👍🏻最後值得一讚係炸蝦餅同炸墨魚丸，炸得幾香口同上碟仲係熱辣辣，不錯的選舉。咁我地4個人食就叫左咁多都算叫剛剛好，唔錯👍🏻

潮城餐廳位於麥花臣側邊。需要行入內街先至見到位置偏僻較難搵到，所以餐廳唔算多人去。餐廳設有兩層而平日晚市第二層都未有人，想食得清靜啲，同朋友靜靜地傾偈嘅非常建議依間。餐廳主打潮汕牛肉火鍋。有多款肉同埋配菜可以食。想飲水的話，要另外加錢購買支裝水。推薦牛骨湯底，湯底夠鹹。店員會上醬料同調味料$68俾我哋自行選擇，非常有儀式感。食物方面:牛肉匙柄，上菜時已經好似大陸餐廳咁有一個好靚嘅擺盤俾你打卡。另外嫩肉嘅擺盤都一樣。二建議牛肉煮3秒就食，如果唔係牛肉會好韌。而且餐廳仲有好多丸同菜可以任君選擇。

天氣凍想食牛搵左間食牛嘅火鍋， 叫左個黄豆苦瓜牛骨湯底， 清清地健康又可以飲湯！ 牛骨富含膠原蛋白和鈣質，黃豆富含植物蛋白，然後主角黎啦係匙柄同嫩肉，兩者都切成薄片好岩打邊爐好入味！ 豬肉菜水餃有齊猪肉末、切碎的蔬菜味道， 爽口！魚皮餃肉汁彈牙！ 炸潮州魚蛋炸至金黄彈牙爽口！ 最後娃姓菜索哂所有牛、餃的味道是一個good ending ! 黄豆苦瓜牛骨湯底 $78匙柄 $78嫩肉 $68豬肉菜水餃 4粒 $33魚皮餃4粒 $33炸潮州魚蛋4粒 $33 娃姓菜 $23 醬料費用 $30

🥢打邊爐除左日式同台式之外，潮式火鍋都係一個好選擇，原來係香港都食到潮汕火鍋，而且牛肉既部分選擇都幾多🔸牛骨湯底味道清甜，配任何食物都岩，湯底入面仲有白蘿蔔同粟米🌽🔸嫩肉肉質偏瘦，有𡁻勁🔸匙仁佔左成隻牛既3%，帶有少少脂肪，肉味甜🔸粟米豬肉餃餃子皮煙煙韌韌，餡料都幾多，略嫌味道偏淡🔸潮州魚蛋彈牙，味道不過不失🔸炸墨魚餅炸到金黃色，外面脆卜卜，墨魚餅彈牙，好香口🔸油麥菜叫左個菜平衡返，油麥菜新鮮

天氣凍又去左打邊爐，今次去左食潮洲式打邊爐，呢間有2層，環境有啲似打冷既feel，用少見既Gas爐打邊爐。牛骨湯 $68湯底清清地，有啲牛骨香味，放左啲粟米、蘿蔔片同芹菜粒。匙柄 $78匙柄即系牛前腿上方既肉，脂肪較少，手切成薄片，煮8秒就食得！嫩肉 $68薄片豬肉，無筋，同樣無咩脂肪，口感會較為煙韌。羊肉片 $68羊肉片既騷味吾會好重，怕騷味既我都可以接受！粟米豬肉餃 $33餃子皮會較厚，粟米豬肉餡料都多。魚皮餃 $33魚皮餃正常發揮。潮州魚蛋 $33炸過既魚蛋幾好食，趁個爐未滾起，叫左呢碟小食食下先！ 另外呢度既醬料都算齊全，基本既都有，另外除左豉油，仲有支蒜油，增加香味。餐牌：

好耐冇食潮汕火鍋，宜家又凍凍地，咁揾間鋪頭試下。哩間潮汕火鍋裝修好特別，係商廈風格。店鋪提供數款調料比客人揀，仲有自家制蒜油，唔錯。番茄粟米豬骨湯底，落咗大量配料煲制，大大件豬骨就有好多件。落咗粟米同白蘿蔔增加咗甜味，番茄又會吊出酸味，湯底幾好飲。嫩肉，牛肉厚切仲要好大一件，燙10秒已經可以食，牛味好重口感軟嫩。匙柄，牛身上最好啲肉之一，中間一條好大筋膜，係匙柄特色。口感較嫩肉要爽脆，入口軟嫩又超彈牙。蒙古羊肉片，羊肉片雪花分明，同埋好大一件。入口唔會好膻，羊肉軟嫩，白色部分唔會覺得肥，反而有少少奶香。魚皮餃，係潮汕地區特色，魚皮透明清澈，食落爽口，內裡餡料用咗蝦肉，魚和蝦一齊一定好鮮。潮州魚蛋，魚蛋魚肉鮮甜Q彈彈牙，比起香港魚蛋，會更加蓬鬆少少，空氣感十足。豬肉粟米餃，餃子做成元寶狀，都好得意。餡料落入大量豬肉同粟米，鮮甜得來又好有口感。菠菜，用咗最精華嘅葉子部分。菠菜葉嗦曬湯底鮮甜味，食落更加鮮甜。

呢間餐廳係旺角既潮州打邊爐，入面有好多牛肉部位可以食同揀，有樓上位置，環境舒適，最岩一班知己好友一齊食飯，打邊爐吹水好去處，我地叫左一個苦瓜湯底，苦瓜湯底餚到好入味，牛肉部位呢度有多款選擇，唔驚食到悶，佢比起其他食牛肉既餐廳多d選擇，羊肉片嫩滑，呢度既牛肉都係新鮮手切牛肉，匙仁係另一個比較特別既牛肉位置食落都好嫩滑。 餐廳仲有d潮汕小食供應，潮汕小食小編都幾鐘意食，今次叫左碟炸獅頭鵝鵝丸，鵝丸入面有油香。