美滋鍋 (家樂坊)

Open Now

Now Closed

今日去咗呢一間喺旺角嘅新加坡過江龍打邊爐，餐廳有好多種唔同嘅套餐，而且出邊有小食區自助，我同朋友就揀咗最平嘅餐，都有美國嘅牛肉，同埋海鮮。餐廳整體質素其實唔錯，自助區除咗甜品之外都有好多唔同嘅小食包括有炸饅頭，港式嘅小食，包括咖喱魚蛋等等。亦都有涼拌嘅小菜鍾意食呢啲嘅朋友都不妨攞少少試吓。牛肉嘅質素，都係普通餐廳牛肉嘅質素，我覺得正常，有幾碟就有少少太肥，我覺得，整體嚟講我覺得都可以，海鮮嚟講就有海蝦，嚟到嘅時候都仲係非常生猛，睇得出本身非常新鮮嘅材料。個人嚟講非常鍾意食佢嘅墨魚滑，非常好食，而且非常爽口彈牙，充滿墨魚膠嘅味道，淨係食呢個我都覺得抵食。另外海鮮仲有新鮮嘅沙白，每一隻都非常鮮甜，整體口感上都唔錯！鍾意食海鮮嘅朋友，絕對唔可以錯過呢一間餐廳，海鮮嘅質素我覺得非常高！唯一略嫌呢一個最平嘅套餐有少少CP值不是太抵，加一都要$300。不過冇所謂試吓。不過位置嚟講都幾好坐。