海都車仔麵茶餐廳

Open Now

Now Closed

味道正常，而且好抵食！$37大大碗份量超足！點左韮菜好似唔洗錢咁比一大札我，牛腩都炆得幾入味同夠淋～唔會攝牙縫！至於豆腐就正正常常。本身想食米粉但無晒就轉左米線，米線都係一包包開出嚟個種，唔多軟或太硬個種。湯底我就揀左腩汁，都幾濃味，但又唔係味精咁。一碗真係多到食唔晒！仲包一杯野飲。如果去到旺角諗唔到食咩，上去食碗車仔麵都係一個唔錯嘅選擇。除左車仔麵佢仲有小菜個啲可以叫。有機會都可以試下佢嘅煲仔小菜，叫餸食飯！