阿土麵線 (Closed)

襯豬豬女友要返工, 獨自去旺角吉魚蛋, 心裡內疚不止, 罪名分分鐘仲大過去偷歡咁滯, 咁點算好呢?咁所以, 旺角甩繩記既下集, 就係阿土麵線.當日我和女友係一齊來食的, 再之前去台北又係一齊食阿宗的;所以, 食每一啖麵線都會記起和豬豬女友的好多東西呢.叫了12蚊細的, 再加每樣一些; 再加幾絲3個辣的勁辣蘿蔔絲.先喝口湯, 見到有腸粒, 味幾濃, o岩我.和台凡北的係一樣味呢.有幾粒螺肉, 幾好, 有野咬.d蘿蔔絲雖只下了幾條但已辣到飛起~係之後上火車去到大圍都仍辣, 唔係吹水!麵線味道也是一讚, 很正宗.下次不敢下咁多辣蘿蔔了~說不定是豬豬女友懲罰我呢~ 哈~