第三站

今日去咗旺角呢一間Cafe度同朋友傾偈，餐廳位置位於旺角地鐵站附近行大概7分鐘到就去到，位置嚟講都算係非常方便，亦都非常容易搵到！我哋今日係大概下午時間去，都可以食到佢嘅lunch set, 我哋決定兩個人share兩個唔同嘅餐，再加多一份小食咁！首先要介紹嘅有佢嘅蟹肉雜菌忌廉闊條麵，一上我同朋友都嘩一聲，我諗我呢一個價錢都會比咁多蟹肉，我同朋友都非常鍾意食蟹，覺得非常抵食！雜菌忌廉闊條麵亦都做得唔錯果汁配埋個意粉其實好match! 再加埋喺上面嘅蟹肉一齊食，簡直係Perfect！ 另外都想推介佢嘅黑松露帶子鮮菌意大利飯，意大利飯嘅軟硬度控制得非常好，唔會有太生嘅情況出現，我同朋友都非常鍾意佢嘅口感，非常高級配埋黑松露嘅味道！帶子就非常鮮甜，食得出佢非常新鮮！我哋就再加多左個日式餃子，餃子非常香脆，咬落去亦都有汁！好juicy抹茶牛奶咖啡呢個配搭都做得唔錯，個人嚟講比較鍾意食綠茶，所以覺得呢一個咖啡嘅味道沖得非常好，咁落去都唔會有太甜嘅情況，我覺得啱啱好！最後食埋件cake！下次返嚟會再幫襯食其他嘢！餐廳環境亦都非常好有唔同嘅卡牌俾朋友玩，我哋今次就冇玩到，下次一定要返嚟玩吓