CC BAKERYYYY x 千禧咖啡

Open Now

Now Closed

呢間由00後生仔開嘅0.01cm薄嘅千層蛋糕網店，再於今年經營旺角新cafe「千禧咖啡店」，餐廳以簡潔裝修，配上純白木系，兩邊大玻璃，店內透光十足。餐廳人氣食物：開心果tiramisu、各色千層蛋糕、鹹食牛角包、特色意粉、甜食窩夫。飲品方面，有各式咖啡latte、無咖啡因latte、水果soda。🍝 黑松露卡邦尼意粉 $128～ 意粉醬汁調校非常好，唔會太乾或者太濕，面頭芝士碎十足，再混合黑松露一齊食，好香濃惹味。🧇 芝士肉醬窩夫 $78～呢個芝士肉醬做得非常好，芝士、肉碎、蕃茄、醬汁比例好好，不論配窩夫或者意粉，應該都會好好味。☕️ 凍焦糖脆脆咖啡Latte $52～ 咖啡味香濃，焦糖脆脆好香甜。🌹荔枝玫瑰soda $46～ 夏日之選，味道甜甜地。🌟 開心果 Tiramisu $65～呢個必食推介，面頭開心果碎、開心果醬好香濃，開心果mousse好軟滑，底層蛋糕亦好鬆軟。🍰 朱古力脆脆千層蛋糕 $42～ 真係好薄、好多cream，味道唔會好甜。