肥姐小食店

Open Now

Now Closed

基本上所有90後如果有去過旺角，都一定行經過呢一間小食店。 冇錯，就係肥姐小食好記得當年仲係5-6蚊一串雞腎，咁當年窮嘛，細蚊仔冇乜錢，所以成日淨係叫1-2串，或者同朋友share食，當年覺得好好食，因為食得出佢都算新鮮做，口感好好，好爽脆，同埋會食到一絲絲香甜😂😂😂。咁我一定會叫要芥辣醬，仲要重芥辣，企係街邊食，別有一番滋味。而家人大左，專登去重拾回憶，仲買左佢最貴既皇牌套餐，食當年完全唔敢買既既大生腸，明明都係一樣多芥辣，但自己一個係垃圾桶隔離拎住個口罩享用，已經感受唔到當年既味道😟，冇左個一絲香甜味，唔知係年紀問題定食物問題🥲。唉，人生沒有如果，最好既調味料果然只有饑餓以及思念。