GOGO Rock (Closed)

今晚同男朋友食西餐。呢間餐廳有生蠔食，但我地無叫，另外叫左五樣野食同一杯雞尾酒。法式蒜蓉包即叫即做，口感香脆。巴黎牛油蘑菇焗田螺有六隻，已經脫晒殼，釀係蘑菇到，下面鋪住邪惡既薯蓉。黑松露醬蝦球意大利粉creamy兼有黑松露味，蝦有三隻。香煎肥肝拼牛柳幾好食，鵝肝肥美，牛柳五成熟，口感唔韌，有牛味。伴碟有翠玉瓜、番茄、紅蘿蔔同薯仔。朱古力心太軟配雪糕超級流心，外脆內軟，雪糕係雲尼拿味，好美味。叫左杯雞尾酒Sangria一齊飲，男女都岩飲，幾易入口。