Meowtini Cat cafe & Bar

Open Now

Now Closed

Item: Meowtini Cat cafe & Bar
Rating: 4
Author: Akirs

4.5

223 Reviews

Taste

Decor

Service

Hygiene

Value

6094

Mong Kok

$51-100

Western Upper-floor Cafe Theme Restaurant

208

Akirs

Level4

199

小貓咪 🐱 出世！！嚟到喵天尼，一坐低嗌完嘢食，竟然俾我哋遇到有貓BB出世㗎！布偶貓媽媽今日突然早產，然後喺正我哋個位附近，然後全場一齊為貓媽媽打氣，呢隻貓媽媽同我哋好有緣，所以一入嚟呢間餐廳嘅印象就已經係極好🥰平時去啲貓Cafe其實都會有好多嘅貓貓，但係呢間嘅貓貓明顯地好鍾意人類，我一坐低就即刻有一隻灰黑色嘅貓貓爬上我嘅大髀度坐，然後我踎喺地下睇貓媽媽生BB，又有兩隻貓貓哩入我裙底度，喺度玩，好搞笑😆，好開心！我哋嗌咗set dinner，有前菜或者湯選擇，西蘭花薯仔🥔忌廉湯都唔錯，然後簡單嘅用醋嘅沙律清清地，主菜揀咗卡邦尼意粉🍝，同埋鮮蟹肉蟹膏忌廉意粉，蟹肉蟹膏意粉上面有好多蟹籽，撈埋落去感覺唔會好濃味，都幾好食，另外一個卡邦尼蛋黃意粉，因為佢有Ham會比較濃味啲，但係又唔會好重芝士味，係火腿鹹香為主。散叫咗份蜜柚雞翼即叫即炸，配埋柚子醬酸酸甜甜，好開胃。嘢飲方面今次試咗冰濃朱古力🍫同埋鮮奶咖啡，又係一甜一淡嘅選項，配合埋個是日雪糕甜品，覺得自己揀得好好😛。好希望佢哋貓BBS 健康快樂，下次要再嚟探BB。What are Wonderful night♥️🐈

Read full review

小貓咪 🐱 出世！！
嚟到喵天尼，一坐低嗌完嘢食，竟然俾我哋遇到有貓BB出世㗎！布偶貓媽媽今日突然早產，然後喺正我哋個位附近，然後全場一齊為貓媽媽打氣，呢隻貓媽媽同我哋好有緣，所以一入嚟呢間餐廳嘅印象就已經係極好🥰

平時去啲貓Cafe其實都會有好多嘅貓貓，但係呢間嘅貓貓明顯地好鍾意人類，我一坐低就即刻有一隻灰黑色嘅貓貓爬上我嘅大髀度坐，然後我踎喺地下睇貓媽媽生BB，又有兩隻貓貓哩入我裙底度，喺度玩，好搞笑😆，好開心！

我哋嗌咗set dinner，有前菜或者湯選擇，西蘭花薯仔🥔忌廉湯都唔錯，然後簡單嘅用醋嘅沙律清清地，主菜揀咗卡邦尼意粉🍝，同埋鮮蟹肉蟹膏忌廉意粉，蟹肉蟹膏意粉上面有好多蟹籽，撈埋落去感覺唔會好濃味，都幾好食，另外一個卡邦尼蛋黃意粉，因為佢有Ham會比較濃味啲，但係又唔會好重芝士味，係火腿鹹香為主。散叫咗份蜜柚雞翼即叫即炸，配埋柚子醬酸酸甜甜，好開胃。