喜亭軒 (Closed)

呢度除咗火鍋同燒肉任飲任食兩小時，一個價錢仲包埋雞煲、刺身同海鮮，可以一次過滿足哂我嘅食慾🤤🐤一開始先食雞煲，可以揀辣定唔辣，雞件肉質夠嫩滑，最驚喜係豬皮，爽口得嚟超入味🐙送嘅刺身拼盤都好有誠意，有帶子、三文魚、赤蝦、北寄貝、八爪魚同榮螺，食落都新鮮🦐之後開始打邊爐喇，湯底揀咗瓜環蟲草花桃膠雞湯底，海鮮拼盤好豐富，有蝦、聖子、墨魚仔、青口，仲有鮑魚，食得好滋味🐮最吸引一定係任食美國SRF黑毛和牛，店員一開始會送上和牛拼盤，有牛柳粒、牛舌同牛脊肉，牛肉好高質，打邊爐同燒嚟食都得，之後可以再用QR code落單🍺除咗一般汽水飲品，仲有嘉士伯同獅威啤酒，同埋佢哋嘅自家製飲品，爆珠椰果百香果同柑桔青檸檬汁，呢兩杯係必試！🍨甜品包一杯Movenpick雪糕同雪條任食，榴槤雪條都唔錯