Running 燒 (Closed)

約咗朋友喺旺角食飯，見到依間放題都好多好評😍所以決定一試😊 我哋五點幾去到，侍應告知我們只要7:20pm前離座就可以有七折優惠。二百幾蚊就可以食到咁高質嘅放題真係好抵😎環境佈置好似韓國地道燒肉餐廳，要讚嘅係通風系統唔錯，食完出嚟都唔會覺得個身好臭🤣食物方面選擇真係好多好多，燒肉點少得豬頸肉😗豬頸肉夠Juicy,燒完仍然keep住軟嫩多汁，另外海鮮之中，最滿意就係大蝦🍤，大隻就唔使講，肉質好爽彈😃真係要一隻接一隻，停唔到口。不過全晚我最推介都係水冷麵，冷麵質地煙靭，調味酸酸甜甜，好啱我口味。整體嚟講，二百幾蚊可以試到咁多款食物，真係好抵食，所以一定會再幫襯。