藤 (Closed)

📍藤旺角廣華街開咗一間新嘅日本餐廳，主打平民價錢嘅omakase，餐廳得10個位，想去嘅客人記住book位🥰👅 藤&Teng $328呢個set包左湯，壽司8件，御料理，吸物同甜品～湯係野菜豆乳湯，好濃郁既豆香，好清甜，口感都有啲杰身，好想encore🥹三文魚漬幾特別，前菜形式，幾開胃。師傅每件壽司都會介紹，壽司飯亦都已經有醬油，所以就咁食都得，最鍾意金目鯛同深海池魚，好新鮮🥰甜品係水信玄餅，拌黑糖食，清清地🥰👅 藤の三文魚壽司盛合 $88鍾意食三文魚嘅我，見到呢一個盛合，諗都唔使諗就叫咗啦，果然冇令我失望，有齊晒三文魚腩，三文魚，炙燒三文魚，三文魚籽，辣三文魚等等，三文魚愛好者必叫🥰👅 藤の炙燒壽司盛合 $130相信唔少人都鍾意炙燒壽司嗰種魚油甘香，我都唔例外🤤呢個有北海道帶子，魷魚，左口魚邊，吞拿魚等等，全部都係燒到啱啱好，仲有啲焦香🤤👅 北海道帶子刺身六切 $58好厚肉好新鮮，好甜～👅 赤貝刺身 兩隻 $98.0爽口大隻，仲有啲花瓣點綴🥰