老點點心竹筒飯 (Closed)

是日來到旺角買野，行返去火車站時見到老點點心，一直有食開元朗的老點，點心質素是有保證的，橫掂順路，飲個夜茶先回家吧。這裏茶錢（$6）一位，不用加一。蓮藕眉豆雞腳燉響螺（$48）家裏少湯水，出黎飲下啦😆呢個湯好濃味好鮮甜，看似細細壺都夠兩個人分，熱辣辣好好飲。鮮上肉響鈴腸（$28）老點名物，基本上次次都點，鍾意個響鈴卷脆口，加埋豬肉有咬口，點個甜豉油好正。粟米百花魚肚（$26）魚肚吸滿湯汁好正，蝦膠爽口彈牙。冬筍鮮蝦餃（$19）食點心點少得蝦餃，超大粒喎，皮煙韌，餡料飽滿，蝦鮮甜，筍爽口，咬落仲有油香，好味。鹹香黑魚子燒賣（$19）燒賣都係大大粒，豬肉同蝦比例各佔一半，啖啖肉好味。戚風班蘭馬孻糕（$22）馬拉糕軟綿綿，好香呀😍香軟微甜勁正。懷舊薑汁糕（$18）最後追加一客甜品，哈哈，要了中式的薑汁糕，好彈好薑，一層一層好正👍點心好味，價錢合理，唯杯茶淡啲，個人喜歡濃茶。