私家廚房 (Closed)

誤打誤撞上咗嚟食飯，原來旺角都有私房菜，質素仲好好添，有驚喜呀！店不大，但每一個坐位都好有私隱，成一個小廂房狀，傾偈一流茶芥（$10／ea）餐具新淨，預先放置公筷，即使吃中菜也可以很衞生，呵呵。另外亦會送上熱茶一壺，是普洱茶，茶香又夠熱，抵讚。薑蔥焗美國桶蠔（$168）先來第一道菜薑蔥蠔，因來貨的size還有隻數都不一，餐廳會在客人面前開桶，以是均真。是晚的蠔都很大很肥美，咬落爆漿勁正喎。還有不能錯過的蔥段，爆得香口，吸了醬汁同蠔汁異常鮮味，超好味香煎釀藕餅（$118）再來是煎蓮藕餅，是切碎了的蓮藕粒，冬菇粒等混入豬肉中，做成一塊塊肉餅再煎香。外層煎得香脆，內裏嫩滑仲有肉汁添，肉的感覺很強烈，哈哈，可以用生菜包著來吃，提升另一個層次呢煎到金黃色好靚仔，仲勁香口好好味呀～XO醬爆雞球（$128）最後仲點左爆雞球，要返樣辣嘅刺激下先，鑊氣十足色香味俱全勁香口，雞肉嫩滑，加上XO醬好惹味，超好下飯的一味餸啊！飯（$15）飯軟硬適中粒粒分明，好有飯香的絲苗大米。冰鎮菠蘿（$12／ea）甜品有冰鎮新鮮菠蘿，好有菠蘿味，酸酸甜甜的，無浸糖水原汁原味，正喎環境正，味道好，父親節想食中菜的好選擇