令和鍋物酒場

Open Now

Now Closed

最近颱風天，天氣開始涼同大風，最啱就係食一個暖暖嘅晚餐。今日就揀咗一間日式居酒屋，試吓佢嘅令和二人前，有齊前菜、小食、壽喜燒同甜品，滿足晒所有願望。另外呢間餐廳嘅裝修超有日式居酒屋風，而且而家仲做緊優惠啲，全場清酒都有半價。令和二人前 $428富士山火焰脆脆薯仔沙律佢呢個絕對係飲酒最配嘅下酒菜，佢嘅薯仔磨成茸，配上脆脆地嘅薯片做點綴，成個口感好特別，食完一啖飲返啲清涼嘅飲品，超級夾💙。三品刺身盛合呢個刺身分別係油甘魚、三文魚同帶子。刺身感覺好新鮮，而且食落好鮮甜。🐟鹿兒島A4肩胛和牛海膽反卷佢呢個卷好有特色，係用咗和牛、吞拿魚蓉同海膽三種刺身作為卷物嘅材料。滿滿嘅一啖有齊唔同嘅味道，令我一試難忘。🍣芝麻雞翼兩本佢哋嘅芝麻雞翼啱啱好炸好，非常熱辣辣，而且個皮脆到好似食薯片咁，好有驚喜。🐓壽喜燒鍋配野菜豆腐籃A4肩胛和牛150g壽喜燒鍋個湯底好有日本風味，甜醬油，令到所有蔬菜同和牛都非常入味，而且佢個和牛堅係高質，油脂分布好平均，而且食落去有濃厚嘅黃牛味，真係食到停唔到。🇯🇵燒芝士年糕兩粒最後有呢個芝士年糕加煉奶作為呢一餐嘅落幕，芝士年糕兩邊煎面煎到金黃色，而且入邊嘅芝士奶味好濃郁，加上煉