甘甘好蔗 (Moved) New Location

今日lunch同同事外賣自取，經過依間甘甘好蔗，平時好少見專賣甘蔗汁嘅飲品店，望落個Menu都好似好健康，都係一啲天然嘅材料，所以今次就幫襯吓新嘢。我就揀咗杯宮崎的夏天，比依杯個靚靚賣相吸引到，依杯喺生椰乳加甘蔗汁，飲落好清甜，我本身唔喺太鍾意甜，平時飲其他鋪頭都會走甜，依杯我無走甜，但我都接受到，而依杯真係唔喺糖漿隻假甜，入面仲有一片片椰果肉，口感豐富，足料，正!我同事叫咗甘蔗美式，我試咗一啖，飲落咖啡味同甘蔗味好夾，我諗甘蔗喺代替咗糖，飲落完全唔覺得奇怪，係天然嘅甜味，都係好清甜。鋪頭環境都係開放式，所以都會睇到店員製作過程中用到一條條甘蔗現場新鮮榨汁，真材實料。下次有機會都想試吓甘蔗同其他水果嘅配搭。