Sky726

今日去咗間環境唔錯嘅餐廳，可以由高處眺望旺角嘅鬧市景。天氣好藍天白雲都幾靚，如果係夜晚嚟應該別有一番風味。之前嚟過食平日會有set lunch, 星期六日好似冇提供。我地首先點咗個前菜黑松露薯蓉($88)。雖然份量就唔係好多，但都幾好食。薯蓉上面落咗d olive oil, 令佢保持住一個滑度。薯蓉都軟滑嘅，佢個口感係會食到少少細粒狀嘅薯蓉。黑松露味都重， 對於鍾意食黑松露嘅人來講都算滿意。份量大啲會更好，唔夠喉呀😂意大利手卷意粉伴野菌及辣肉腸 ($188)見其他意粉都係一啲常見嘅款式，所以今次特別揀咗一款係比較少食嘅。幾欣賞佢嘅係芝士薄薄一片片咁樣鋪咗係面頭，感覺高質，仲有切碎左嘅chives。手卷意粉真係第一次食，原來係呢個形狀。整體嚟講成碟意粉都係濕潤，入邊都有洋蔥同埋菇菌類等嘅配料，令到成碟個材料好豐富，比較多唔同嘅口感。