Black Coffee

Open Now

Now Closed

估唔到廣華醫院穿過商場後，咁多小店。轉角位見到一間全黑叫black coffee。 見咁多人入去，就去試下唔會伏。喇沙汁炒意粉配虎蝦仁 $134超有創意用馬拉醬料mix 西式意粉做個fusion 菜。每條意粉都吸收晒喇沙汁味道好惹味。店主超豪爽、虎蝦仁比左成6隻，隻隻都超大粒爽口、肉身呈透明夠新鮮。自家製慢煮口水雞扒漢堡配薯條 $134中式口水雞扒遇上西式漢堡，估唔到一D 都唔怪。仲要辣辣地幾好味，雞扒煎到好爽口彈牙無過火，咬落雞扒好嫩滑口感超好。用厚薯條，炸到外脆內軟。食落時有薯粉，證明夠新鮮。蘋果金寶法式千層酥配香草雪糕 $70千層酥好鬆好脆、煮過的蘋果粒仲好爽口，好有蘋果味。再加埋奶油醬同一球雲尼拿雪糕同碎碎無得嘆。焦糖鮮奶咖啡 $48超重焦糖味，咖啡好香，奶🥛味好濃。比例剛好！宇治抹茶鮮奶 $52未飲前漸淡綠白色超吸晴打卡，飲落陣陣抹茶粉味，抹茶fans 必點，再加上濃厚奶味，好好飲。小店來講既西餐真係好好食，下次會再約朋友去食。