REFLECT Restaurant & Bar

呢間餐廳主打墨西哥菜，好有特色，環境佈置到好有心思，一出電梯，就會見到鏡面嘅招牌，好啱打卡，入面仲有個好靚嘅吧枱, 好有型呀！😍😍我試咗佢哋嘅Reflect沙律，入面有沙律菜、牛油果、烚蛋同藜麥，仲加咗番茄同石榴。個沙律真心好鮮味！沙律菜新鮮脆口，牛油果嘅滑順同埋石榴嘅微酸，帶嚟一啲層次同口感嘅變化。仲有烚蛋同藜麥，增加咗質感同飽足感。真係一份開胃又健康嘅選擇！另外，我仲試咗佢哋嘅雞肉墨西哥夾餅，一份有三件。個夾餅用炸玉米餅包住雞肉，再加上牛油果醬、莎莎醬同酸忌廉。炸玉米餅外脆內軟，雞肉嫩滑多汁，同埋牛油果醬同莎莎醬嘅組合，味道鮮美又帶少少辣味。再加上酸忌廉，令整個口感更加豐富👍🏻我哋仲叫咗五成熟肉眼牛排，佢嘅炭烤澳洲草飼牛排配上炸薯條同雜蔬，再配賓尼斯汁，真係令人食指大動！牛排炭烤得啱啱好，入邊嘅肉仲係粉粉嫩嫩，肉質鮮嫩多汁，每一口都好滿足。配上炸薯條同雜蔬，令味道更加豐富而且平衡。賓尼斯汁嘅酸甜味，又帶點濃郁嘅肉汁香氣，好夾總括嚟講，呢間墨西哥菜餐廳真係值得一試！如果你鍾意墨西哥菜同埋口味豐富嘅菜式，呢度絕對係一個不錯嘅選擇！