梨滿園韓國料理 (Closed)

疫情關係好耐冇出過街食飯，同朋友傾起好想食炸雞就黎到呢間梨滿園。呢到都有好多款韓式野食可以揀。我地首先就食左呢個蛋卷，蛋味好夠，配埋啲醬汁食都幾開胃。跟住仲試左呢到嘅紫菜包飯，見佢啲料都好豐富，舊舊都好大舊呀。主食方面，叫左一個芝士豬手，味道好濃郁，鍾意食芝士嘅可以用芝士包住豬手黎食，好有飽足感然後仲有個雞湯，呢個就不過不失，湯有啲偏鹹。終於到主菜炸雞，我地叫左幾隻唔同口味，個人覺得最好食個辣醬味，唔會太辣又酸酸甜甜咁，好開胃。