金甲韓國料理 (Closed)

今日有親戚黎到，一場黎到香港，梗係要帶佢去旺角食好野! 咁今日係星期六啦，d位都難book d，所以就提早book左8點半，我地都準時去到。一去到果然滿哂座，好彩有book定！環境方面，呢到真係抵讚！因為我親戚抱住個bb，咁都驚話有無位俾佢坐，但去到 我地5個人，加埋bb 6個 ，俾左張台我地 坐得幾舒服 唔係一張張凳個d 係沙發個款 所以係幾好！之後我地就行過去睇下有咩食，呢間係韓國料理，但係就有埋日式三文魚同饅魚壽司，簡直係超正，雖然三文魚無日式個d台咁好食，但係佢肥瘦都均勻，厚度一般，同我地出面食既都差唔多，好在係食韓國料理都有壽司食haha^^肉類有好多款，呢間呢個價錢食到咁多野好爽，仲要任食，我地唔知邊樣好味，所以就每樣睇得順眼都夾少少。食左一輪之後，我地發現左筍野，就係極上牛肋骨！！認真好食！佢d汁好夾好入味，將塊肉燒完之後，食落口個下軟腍腍，口感一流！食左好多塊啊！其實呢到都幾多肉類，牛肉，豬肉，牛舌雞腎啊⋯⋯唔太中意食肉既女朋友食到好厭>< 所以就係到偽韓國feel，用生菜包住d肉黎食，認真過引。